ആസൂത്രണ ബോര്‍ഡ് പരീക്ഷ പുനര്‍മൂല്യ നിര്‍ണയ ഫലം പ്രഖ്യാപിച്ചു
പി.എസ്.സി നടത്തിയ ആസൂത്രണ ബോര്‍ഡ് പരീക്ഷയുടെ പുനര്‍മൂല്യ നിര്‍ണയം നടത്തിയ ഫലം പ്രഖ്യാപിച്ചു. പരീക്ഷയിലെ പത്ത് ഉത്തരങ്ങള്‍ വീണ്ടും പരിശോധിച്ചപ്പോള്‍ മാര്‍ക്കില്‍ വലിയ വ്യത്യാസമാണ് ഉണ്ടായിരിക്കുന്നത്. റാങ്ക് ലിസ്റ്റിനെതിരെ പരാതി നല്‍കിയ ശ്യം കൃഷ്ണനാണ് പുതുക്കിയ പട്ടികയില്‍ ഒന്നാം റാങ്ക്. പഴയ റാങ്ക് ലിസ്റ്റില്‍ ഒന്നാം റാങ്കുകാരനായ അരുണ്‍ ജെ. പ്രതാപ് പുതിയ പട്ടികയില്‍ അഞ്ചാം സ്ഥാനത്താണ്.
പെര്‍സ്‌പെക്ടീവ് പ്ലാനിംഗ് റാങ്ക് പട്ടികയും പ്രസിദ്ധീകരിച്ചു. ഒരാളെ മാത്രം ഉള്‍പ്പെടുത്തിയാണ് പട്ടിക. ഇതിനെതിരെ ഉദ്യോഗാര്‍ത്ഥികളുടെ ഹര്‍ജി ഹൈക്കോടതിയില്‍ വിധി പറയാന്‍ ഇരിക്കെയാണ് തിടുക്കത്തില്‍ ഒരാളെ മാത്രം ഉള്‍പ്പെടുത്തി അന്തിമ റാങ്ക് ലിസ്റ്റ് പ്രസിദ്ധീകരിച്ചത്. അന്തിമവിധിക്ക് വിധേയമാകും നിയമനം എന്ന് ഹൈക്കോടതി നേരത്തെ വ്യക്തമാക്കിയിരുന്നു. അതേസമയം പ്ലാന്‍ കോ ഓര്‍ഡിനേഷന്‍ ഡിവിഷന്‍ റാങ്ക് പട്ടികയില്‍ മാറ്റമില്ല. നേരത്തെ ഒന്നാം റാങ്ക് നേടിയ സജിമോന്‍ തന്നെയാണ് പുതുക്കിയ പട്ടികയിലും ഒന്നാമത്.
https://www.facebook.com/Malayalivartha
