പ്രളയത്തിൽ മുങ്ങിയ കേരളത്തിന് സഹായഹസ്തവുമായി പാകിസ്ഥാനും രംഗത്തെത്തിയിരിക്കുകയാണ്. ദുരിതത്തിലകപ്പെട്ടവർക്കായി പാകിസ്താനിലെ കറാച്ചിയില്‍ നിന്നും 16 ടണ്‍ ദുരിതാശ്വാസ സാമഗ്രികളുമായി വിഷന്‍ എയര്‍വേയ്‌സിന്റെ പ്രത്യേക കാര്‍ഗോ വിമാനമാണ് കോഴിക്കോട് വന്നെത്തിയത്.

അബുദാബി വഴിയാണ് വിമാനം കോഴിക്കോട്ടേയ്ക്ക് എത്തിച്ചത്. കറാച്ചിയില്‍ നിന്നും വിമാനം നേരിട്ട് എത്തിക്കാനാകാത്തതിലാണ് അബുദാബി വഴി സാധനങ്ങൾ എത്തിച്ചത്.

ബുധനാഴ്ച രാവിലെ 11.30നാണ് വിമാനമെത്തിയത്. കസ്റ്റംസ് പരിശോധനകള്‍ പൂര്‍ത്തിയാക്കിയശേഷം ഇവ കോഴിക്കോട് സ്വദേശിയായ പ്രദീപ്കുമാര്‍ എന്നയാള്‍ക്ക് കൈമാറി. ട്രോമാകെയര്‍ സംഘടനയ്ക്കുവേണ്ടിയാണ് ഇയാള്‍ സാധനങ്ങള്‍ ഏറ്റുവാങ്ങിയത്.