സര്ക്കാര് മാധ്യമങ്ങള്ക്ക് പൂർണ്ണ സ്വാതന്ത്ര്യം; പാക്കിസ്ഥാനിൽ പുതിയ നയങ്ങളുമായി പ്രധാനമന്ത്രി ഇമ്രാൻ ഖാൻ
പാക്കിസ്ഥാൻ ദേശീയ അസംബ്ലിയിലേക്കുള്ള തിരഞ്ഞെടുപ്പിൽ വിജയം കൊയ്തെടുത്ത പാക്കിസ്ഥാൻ തെഹ്രീകെ ഇൻസാഫ്(പിടിഐ) നേതാവും മുൻ ക്രിക്കറ്റ് താരവുമായ ഇമ്രാൻ ഖാൻ പ്രധാനമന്ത്രിയായി അധികാരത്തിലേറിയതോടെ പാകിസ്ഥാനിലെ സര്ക്കാര് മാധ്യമങ്ങള്ക്ക് സ്വാതന്ത്ര്യം നല്കുന്ന നയങ്ങളുമായി രംഗത്തെത്തിയിരിക്കുകയാണ്.
സര്ക്കാരിന്റെ നിയന്ത്രണത്തില് പ്രവര്ത്തിക്കുന്ന പാക്കിസ്ഥാന് ടിവി, റേഡിയോ പാക്കിസ്ഥാന് എന്നിവയുടെ മേല് സര്ക്കാര് പുലര്ത്തിയിരുന്ന കടുത്ത നിയന്ത്രണം എടുത്തുമാറ്റി. ഇതോടെ പാക്കിസ്ഥാനില് ഈ മാധ്യമങ്ങളുടെ സമ്പൂർണ എഡിറ്റോറിയൽ സ്വാതന്ത്ര്യത്തോടെ പ്രവർത്തിക്കുമെന്ന് പാക് വാർത്താവിതരണ വകുപ്പു മന്ത്രി ഫവാദ് ചൗധരി ട്വിറ്റർ സന്ദേശത്തിൽ അറിയിച്ചു.
കൂടാതെ, അടുത്ത മൂന്നു മാസത്തിനുള്ളിൽ വാർത്താവിതരണ വകുപ്പിൽ വൻ മാറ്റങ്ങളുണ്ടാകുമെന്നും അദ്ദേഹം വ്യക്തമാക്കി. ഈ സ്ഥാപനങ്ങളുടെ വാർത്തകൾ നിയന്ത്രിക്കാനോ നിരോധിക്കാനോ സർക്കാർ തയ്യാറാവില്ല. നേരത്തേ പാക്കിസ്ഥാന് മുസ്ലിം ലീഗ് (നവാസ്) ഇതേ രീതിയിലുള്ള പ്രഖ്യാപനം നടത്തിയിരുന്നെങ്കിലും നവാസ് ഷെരീഫിന്റെ ഭരണകാലത്ത് അതു നടപ്പാക്കാൻ കഴിഞ്ഞിരുന്നില്ല.
https://www.facebook.com/Malayalivartha