ഗോള്ഫ് കളിക്കിടെ അടിച്ചുവിട്ട പന്ത് കടിച്ചെടുത്ത് പാഞ്ഞ കുറുക്കന്റ വീഡിയോ വൈറലാകുന്നു
ഗോള്ഫ് കളിക്കാരന് അടിച്ചുവിട്ട പന്ത് കടിച്ചെടുത്ത് പായുകയാണ് ഈ കുറുക്കന് ചെയ്തത്. അമേരിക്കയിലെ മാസച്യുസൈറ്റ്സിലെ വെസ്റ്റ് സ്പ്രിങ് മൈതാതാനത്താണ് സംഭവം. മാസ്സ്ലൈവ് ഡോട്ട് കോം റിപ്പോര്ട്ട് ചെയ്യുന്നതു പ്രകാരം ഹാങ്ക് ഡൗണി എന്ന കളിക്കാരനും സുഹൃത്തുക്കളുമായിരുന്നു മൈതാനത്തുണ്ടായിരുന്നത്.
കളി നടക്കുന്നതിന്റെ കുറച്ചു ദൂരെയായി രണ്ടു കുറുക്കന്മാര് കിടക്കുന്നതു വീഡിയോയില് കാണാം. കളിക്കാരന് അടിച്ചുവിട്ട പന്ത് തനിക്കു നേരെ വരുന്നത് കാണുന്നതോടെ കുറുക്കന് അത് കടിച്ചെടുത്ത് കടന്നുകളയുകയായിരുന്നു. അതോടെ മറ്റൊരു ബോളുമായി കളിക്കാരന് കളി തുടര്ന്നു.
സാധാരണ വേനല്ക്കാലങ്ങളില് മൈതാനത്തിനു സമീപം കുറുക്കന്മാര് വരാറുണ്ട്. ഒരേസമയം അഞ്ച് കുറുക്കന്മാരെ വരെ കണ്ടിട്ടുണ്ട്. മറ്റു കളിക്കാരുടെയും പന്തുകള് ഇവ കടിച്ചെടുത്തു കൊണ്ടുപോയതായി കേട്ടിട്ടുണ്ട് ഹാങ്ക് പറയുന്നു. ഓഗസ്റ്റ് 18നാണ് സ്പ്രിങ് ഫീല്ഡ് കണ്ട്രി ഫെയ്സ്ബുക്ക് പേജില് വീഡിയോ പോസ്റ്റ് ചെയ്തത്.
https://www.facebook.com/Malayalivartha