ജപ്പാനിലെ ടോക്കിയോയിൽ ലാൻഡിങ്ങിനിടെ ഒരു വിമാനത്തിനുണ്ടായ അപകടത്തിന്റെ ദൃശ്യങ്ങളാണ് ഇപ്പോൾ സോഷ്യൽ മീഡിയകളിൽ വൈറലാകുന്നത്. എഎന്‍എ ഡ്രീംലൈനര്‍ എന്ന വിമാനം ടോക്കിയോയിലെ നരിറ്റ വിമാനത്താവളത്തില്‍ ലാന്‍ഡിങ്ങിന് ശ്രമിക്കുമ്പോൾ വില്ലനായെത്തിയത് ശക്തമായ കൊടുംങ്കാറ്റാണ്‌.

ഹോളിവുഡ് ആക്ഷന്‍ സിനിമയിലെ ആക്ഷന്‍ രംഗങ്ങളെ വെല്ലുന്ന തരത്തിലാണ് പൈലറ്റ് ആടിയുലഞ്ഞ വിമാനത്തെ പൂര്‍വ്വസ്ഥിതിയിലാക്കുന്നത്.

ശക്തമായ കൊടുങ്കാറ്റിനിടെ ലാന്‍ഡിങ്ങിന് ശ്രമിക്കുമ്പോഴായിരുന്നു വിമാനം ആടിയുലഞ്ഞത്. ഇതോടെ ഒരുനിമിഷം മൂക്കുകുത്തി താഴോട്ട് പതിക്കാനൊരുങ്ങിയ വിമാനം ഉടന്‍ പൂര്‍വസ്ഥിതിയിലാകുന്നത് വിഡിയോയില്‍ കാണാം.

ഒരുവട്ടം പരാജയപ്പെട്ട പൈലറ്റ് രണ്ടാമത്തെ ശ്രമത്തിലാണ് വിമാനം സുരക്ഷിതമായി നിലത്തിറക്കാനായത്. വിമാനത്തിലെ യാത്രക്കാരെല്ലാം സുരക്ഷിതരാണെന്നും ക്രോസ് വിന്‍ഡ് പ്രതിഭാസമാണ് വിമാനം ആടിയുലയാന്‍ കാരണമെന്ന് അധികൃതർ അറിയിച്ചു.

വീഡിയോ കാണാം......