കളിത്തോക്ക് ചൂണ്ടി പോലീസിനെ കബളിപ്പിച്ചു; ഹോളിവുഡ് ടിവി സീരീസ് നടി വെനേസ മാര്ക്വസ് വെടിയേറ്റ് മരിച്ചു
ഹോളിവുഡ് ടിവി സീരീസ് നടിയും മീ ടു ക്യാമ്പയിൻ അംഗവുമായ വെനേസ മാര്ക്വസ് പോലീസിന്റെ വെടിയേറ്റ് മരിച്ചു. പ്രശസ്ത ടിവി സീരീസ് 'ഇആര്' ലെ കേന്ദ്ര കഥാപാത്രമായി തിളങ്ങിയ നടിയുടെ വീട്ടിൽ നടത്തിയ പരിശോധനയ്ക്കിടയിലായിരുന്നു പോലീസ് ഇവരെ കൊലപ്പെടുത്തിയത്.
പരിശോധനയ്ക്കിടെ തോക്കുമായി പുറത്തെക്കിറങ്ങിയ നടി പൊലീസിന് നേരെ തോക്കു ചൂണ്ടുകയായിരുന്നുവെന്നും നിരവധിത്തവണ തോക്ക് താഴെയിടാന് പൊലീസ് ആവശ്യപ്പെട്ടെങ്കിലും നടി നിരസിച്ചെന്നും തുടര്ന്ന് പൊലീസ് വെടിവെക്കുകയായിരുന്നുവെന്നുമാണ് റിപ്പോര്ട്ട്.
എന്നാൽ സംഭവത്തിന് ശേഷം പൊലീസ് ഉദ്യോഗസ്ഥര് വെനേസയുടെ കൈയില് ഉണ്ടായിരുന്ന തോക്ക് പരിശോധിച്ചപ്പോള് കളിത്തോക്കായിരുന്നുവെന്ന് കണ്ടെത്തുകയായിരുന്നു. ബിബി ടൈപ് സെമി ഓട്ടോമാറ്റിക് തോക്കായിരുന്നു വെനേസയുടെ കൈവശം ഉണ്ടായിരുന്നത്.
വീട് പരിശോധിക്കണമെന്ന് വീട്ടുടമ ആവശ്യപ്പെട്ടതിനെത്തുടര്ന്നാണ് പൊലീസ് എത്തിയത്. നടിയുടെ സ്വഭാവത്തില് അസ്വാഭാവികത കണ്ടെത്തിയതിനെത്തുടര്ന്നാണ് വീട്ടുടമ പൊലീസിനെ അറിയിച്ചത്
1994 മുല് 1997 വരെ ഹോളിവുഡ് സീരീസായ 'ഇആറി'ല് വെന്ഡി ഗോള്ഡ്മാന് എന്ന കഥാപാത്രത്തെ അവതരിപ്പിച്ചത് വെനേസയായിരുന്നു. സെയിന്ഫെല്ഡ്, മെല്റോസ് പ്ലെയ്സ് തുടങ്ങിയ ഷോകളിലും വെനേസ അഭിനയിച്ചിട്ടുണ്ട്. മുൻപ് മിടു കാമ്ബെയിനിന്റെ ഭാഗമായി വെനേസ നടത്തിയ വെളിപ്പെടുത്തലുകള് ഏറെ വിവാദമായിരുന്നു.
https://www.facebook.com/Malayalivartha