സോമാലിയൻ തലസ്ഥാനം മൊഗാദിഷുവിൽ സ്ഫോടനം; മൂന്ന് സൈനികര് കൊല്ലപ്പെട്ടു ആറ് കുട്ടികള്ക്ക് ഗുരുതര പരിക്ക്
സോമാലിയയുടെ തലസ്ഥാനമായ മൊഗാദിഷുവിലെ ഹൗല്വാദിൽ നടന്ന ചാവേര് കാര് സ്ഫോടനത്തില് മൂന്ന് സൈനികര് കൊല്ലപ്പെട്ടതായി റിപ്പോർട്ടുകൾ. മൊഗാദിഷുവിലെ സര്ക്കാര് ഓഫീസിന് സമീപമാണ് അപകടമുണ്ടായത്. അതേസമയം അപകടത്തിൽ ആറ് കുട്ടികള്ക്ക് ഗുരുതരമായി പരിക്കേല്ക്കുകയും ചെയ്തു.
അല്-ഷബാബ് എന്ന ഭീകരസംഘടന സ്ഫോടനത്തിന്റെ ഉത്തരവാദിത്വം ഏറ്റെടുത്തതായി അറിയിച്ചു. സ്ഫോടനത്തില് കുട്ടികള്ക്ക് പരിക്കേറ്റത് സ്ഫോടനത്തിന്റെ ആഘാതത്തില് സ്കൂള് കെട്ടിടം തകര്ന്ന് വീണതാണ്. സര്ക്കാര് ഓഫീസിന്റെ കാവലിനായി നിന്ന സൈനികരാണ് കൊല്ലപ്പെട്ടത്. സ്ഫോടനത്തില് സമീപത്തെ വീടുകള്ക്കും മോസ്ക്കിനും കേടുപാട് ഉണ്ടായി.
https://www.facebook.com/Malayalivartha