ദുബായില്നിന്നു പുറപ്പെട്ട എമിറേറ്റ്സ് വിമാനത്തിലെ യാത്രക്കാര്ക്ക് ഭക്ഷ്യവിഷബാധയെന്ന് സംശയം; യുഎസില് വിമാനം തടഞ്ഞിട്ടു
യുഎസിലെ ജോണ് എഫ്.കെന്നഡി വിമാനത്താവളത്തില് ഇറക്കിയ വിമാനം തടഞ്ഞിട്ടിരിക്കുകയാണ്. ദുബായില്നിന്ന് പുറപ്പെട്ട എമിറേറ്റ്സ് വിമാനത്തിലെ യാത്രക്കാര്ക്കു രോഗബാധയെന്ന സംശയത്തെ തുടര്ന്നാണ് തടഞ്ഞിട്ടത്. 500 യാത്രക്കാരുമായി പ്രാദേശിക സമയം രാവിലെ ഒന്പതു മണിക്കുശേഷമാണ് എമിറേറ്റ്സിന്റെ വിമാനം നിലത്തിറക്കിയതെന്നു വാര്ത്താ ഏജന്സികള് റിപ്പോര്ട്ട് ചെയ്തു.
ന്യൂയോര്ക്കിലേക്കു പോകുകയായിരുന്ന വിമാനത്തിലെ 10 യാത്രക്കാരാണ് അസുഖബാധിതരായതെന്നു വിമാനക്കമ്പനിയുടെ വക്താവ് പറഞ്ഞു. വിമാനം പറന്നിറങ്ങിയ ഉടന് ഇവര്ക്ക് ചികിത്സ നല്കിയതായും അറിയിച്ചു.
ഭക്ഷ്യവിഷബാധയേറ്റതാണെന്നാണു ലഭിക്കുന്ന വിവരം. അസുഖബാധിതരൊഴിച്ചു മറ്റു യാത്രക്കാരെയെല്ലാം പോകാനനുവദിച്ചു. എന്നാല്, 100 യാത്രക്കാര് വരെ ബുദ്ധിമുട്ടനുഭവിക്കുന്നതായി യുഎസ് മാധ്യമങ്ങള് വ്യക്തമാക്കി. ഡോക്ടര്മാരും എയര്പോര്ട്ട് അതോറിറ്റി പൊലീസും സംഭവ സ്ഥലത്തുണ്ട്.
https://www.facebook.com/Malayalivartha
