മുൻ മിസ്സ് യൂണിവേഴ്‌സ് ജേതാവും അഭിനേത്രിയുമായ ചെല്‍സി സ്മിത്ത്(45) അമേരിക്കയിലെ ഹൂസ്റ്റണിൽ വച്ച് മരിച്ചതായി റിപ്പോർട്ടുകൾ. മിസ്സ് യൂണിവേഴ്‌സ് കിരീടം നേടുന്ന ടെക്‌സസ്സില്‍ നിന്നുള്ള പ്രഥമ വനിതയാണ് ചെല്‍സി സ്മിത്ത്.

2017 മുതല്‍ ലിവര്‍ കാന്‍സറിന് ചികിത്സയിലായിരുന്നുവെന്ന് ചെല്‍സി സ്മിത്തെന്ന് സ്‌പോക്ക് പേഴ്‌സന്‍ ജെറോഡ് ക്ലവിന്‍ സക്കി മാധ്യമങ്ങളെ അറിയിച്ചു. ചികിത്സകൾ നടക്കുകയായിരുന്നുവെങ്കിലും സെപ്റ്റംബര്‍ 8 ന് ചെൽസി മരിക്കുകയായിരുന്നു.

ആദ്യമായി 1994 ല്‍ മിസ്സ് ഗാല്‍വസ്റ്റണ്‍ കൗണ്ടി ക്രൗണ്‍ നേടിയതിനുശേഷം അടുത്ത വര്‍ഷം മിസ്സ് ടെക്‌സസ്, യു.എസ്.എ., മിസ്സ് യു.എസ്.എ. കിരീടവും ഇവര്‍ക്ക് ലഭിച്ചിരുന്നു. മൂന്ന് കിരീടവും ഒരേ സമയം നേടിയ ഏക സുന്ദരിയായിരുന്നു ചെല്‍സി സ്മിത്ത്.

ഒക്ടോബര്‍ മാസം ഹൂസ്റ്റണിലാണ് ഇവരുടെ പൊതുദര്‍ശനം ഉള്‍പ്പെടെയുള്ള സംസ്ക്കാര ചടങ്ങുകള്‍ നടക്കുക എന്നും വക്താവ് ജെറോഡ് അറിയിച്ചു.