ന്യൂസിലന്ഡിലെ പള്ളികളിലുണ്ടായ ആക്രമണത്തില് ഒരു ഇന്ത്യക്കാരന് കൊല്ലപ്പെട്ടതായി സ്ഥിരീകരണം... സംഭവത്തില് രണ്ട് പേര്ക്ക് പരുക്കേറ്റെന്നും ആറ് ഇന്ത്യക്കാരെ കാണാതായെന്നും വിദേശകാര്യമന്ത്രാലയം
ന്യൂസിലന്ഡ് ഭീകരാക്രമണത്തില് ഒരു ഇന്ത്യാക്കാരന് മരിച്ചെന്ന് സ്ഥിരീകരണം. രണ്ട് പേര്ക്ക് പരിക്കേറ്റെന്നും വിദേശകാര്യ മന്ത്രാലയം വ്യക്തമാക്കുന്നു. 9 ഇന്ത്യക്കാരെ കാണാതായെന്ന് നേരത്തേ സ്ഥിരീകരിക്കാത്ത റിപ്പോര്ട്ടുകള് പുറത്തുവന്നിരുന്നു. കാണാതായ ആറ് പേരുടെ വിവരങ്ങള് ഇതുവരെയും ലഭിച്ചിട്ടില്ല.
നിലവില് റെഡ്ക്രോസ് പുറത്തുവിട്ട പട്ടികയില് കേരളത്തില്നിന്നുള്ള ഒരാള് ഉള്പ്പെടെ ഉള്ള ഇന്ത്യക്കാരുടെ പേരുകളാണ് നല്കിയിരിക്കുന്നത്. എന്നാല് ഈ വിവരങ്ങള് മന്ത്രാലയം ഔദ്യോഗികമായി സ്ഥിരീകരിച്ചിട്ടില്ല.
ന്യൂസിലാന്ഡിലെ മുസ്ലീം പള്ളിയില് ഉണ്ടായ വെടിവെയ്പ്പില് 49 പേരാണ് മരിച്ചത്. വെടിവെപ്പില് ഇരുപതിലേറെ പേര്ക്ക് ഗുരുതര പരിക്കേറ്റിട്ടുണ്ട്. ക്രൈസ്റ്റ് ചര്ച്ചിലെ രണ്ട് മുസ്ലിം പള്ളികളിലാണ് വെടിവെയ്പ്പ് നടന്നത്. പള്ളിയില് പ്രാര്ത്ഥന നടക്കുന്ന സമയത്തായിരുന്നു വെടിവെയ്പ്പ് ഉണ്ടായത്.
മുസ്ലീം മതത്തോട് കടുത്ത വിദ്വേഷമുണ്ടായിരുന്ന വലതുപക്ഷ ഭീകരവാദിയായ ഓസ്ട്രേലിയന് പൗരനാണ് ആക്രമണം നടത്തിയവരില് ഒരാള്. എത്ര പേര് നേരിട്ട് ആക്രമണം നടത്തിയെന്ന് ഇതു വരെ വ്യക്തമായിട്ടില്ല.ആക്രമണവുമായി ബന്ധപ്പെട്ട് നാല് പേരെ ന്യൂസീലന്ഡ് പൊലീസ് കസ്റ്റഡിയിലെടുത്തിട്ടുണ്ട്.
ലോകത്തെ ഞെട്ടിച്ച ആക്രമണം അക്രമി സ്വന്തം ട്വിറ്റര് അക്കൗണ്ടിലൂടെ ലൈവായി സംപ്രേഷണം ചെയ്യുകയും ചെയ്തു. ഒരു തോക്കിന്റെ മുനയില് നിരവധി പേര് മരിച്ചു വീഴുന്ന ദൃശ്യങ്ങളാണ് അക്രമി തത്സമയം പുറത്തുവിട്ടത്. അക്രമി സ്വന്തം തൊപ്പിക്ക് മുകളില് വച്ച ക്യാമറയിലൂടെ ദൃശ്യങ്ങള് സംപ്രേഷണം ചെയ്യുകയായിരുന്നു. പട്ടാളവേഷത്തിലെത്തിയ അക്രമി ഓട്ടോമാറ്റിക് റൈഫിളുപയോഗിച്ചാണ് ആക്രമണം നടത്തിയത്
https://www.facebook.com/Malayalivartha