ആഫ്രിക്കന്‍ രാജ്യങ്ങളായ സിംബാബ്‌വേ, മൊസാംബിക്, മലാവി എന്നിവിടങ്ങളില്‍ ചുഴലിക്കാറ്റ് കനത്ത നാശം വിതച്ചു. ഇതിനകം 140 പേര്‍ മരിച്ചു. നൂറുകണക്കിനാളുകളെ കാണാതായി. ഗതാഗതം തടസപ്പെട്ടു.കനത്ത മഴയെത്തുടര്‍ന്നു പലേടത്തും പ്രളയവും മണ്ണിടിച്ചിലുമുണ്ടായി. പല പ്രദേശങ്ങളും ഒറ്റപ്പെട്ടിരിക്കുകയാണ്. ഇദായി ചുഴലിക്കാറ്റ് ഈ മേഖലയിലെ 15 ലക്ഷം പേരെ ദുരിതത്തിലാഴ്ത്തിയിരിക്കുകയാണെന്ന് യുഎന്‍ വൃത്തങ്ങള്‍ പറഞ്ഞു.
സിംബാബ്‌വേയിലെ മനിക്കലാന്‍ഡ് പ്രവിശ്യയിലെ സെന്റ് ചാള്‍സ് ലുവംഗ സ്‌ക്കൂളില്‍ കുടുങ്ങിയ 197 വിദ്യാര്‍ഥികളെ രക്ഷിക്കാന്‍ സൈന്യത്തെ നിയോഗിച്ചു. സിംബാബ് വേയില്‍ മിക്കനദികളും കരകവിഞ്ഞ് ഒഴുകുകയാണ്.