ഭീകരവാദത്തിനെതിരായ ശക്തമായ നടപടികള്‍ രാജ്യത്തു തുടരവേ പാകിസ്ഥാന്‍ ആസ്ഥാനമായി പ്രവര്‍ത്തിക്കുന്ന ഭീകരവാദ സംഘടനയായ ഹിസ്ബുള്‍ മുജാഹിദ്ദീന്‍ നേതാവായ സയ്യിദ് സലാഹുദ്ദീന്റെ 1.22 കോടി വില വരുന്ന വസ്തുവകകള്‍ എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി
ഭീകരവാദത്തിനെതിരായ ശക്തമായ നടപടികള്‍ രാജ്യത്തു തുടരുന്നു. പാകിസ്ഥാന്‍ ആസ്ഥാനമായി പ്രവര്‍ത്തിക്കുന്ന ഭീകരവാദ സംഘടനയായ ഹിസ്ബുള്‍ മുജാഹിദ്ദീന്‍ നേതാവായ സയ്യിദ് സലാഹുദ്ദീന്റെ 1.22 കോടി വില വരുന്ന വസ്തുവകകള്‍ എന്‍ഫോഴ്‌സ്‌മെന്റ് ഡയറക്ടറേറ്റ് കണ്ടുകെട്ടി. ഭീകരപ്രവര്‍ത്തനങ്ങള്‍ക്ക് സാമ്പത്തിക സഹായം ചെയ്തതിനാണ് ഇയാളുടെ സ്വത്തുക്കള്‍ കണ്ടുകെട്ടിയത്. കള്ളപ്പണം തടയുന്നതിനുള്ള നിയമപ്രകാരമാണ് നടപടി.
തീവ്രവാദ സംഘടനകള്‍ക്ക് വേണ്ടി പ്രവര്‍ത്തിച്ച മുഹമ്മദ് ഷാഫി ഷാ അടക്കമുള്ള ഏഴ് പേരുടെ വസ്തുക്കളാണ് എന്‍ഫോഴ്‌സ്‌മെന്റ് കണ്ടുകെട്ടിയത്. ദേശീയ അന്വേഷണ ഏജന്‍സി ഇവരുടെ പേരില്‍ യു എ പി എ അടക്കമുള്ള കുറ്റങ്ങള്‍ ചുമത്തിയിരുന്നു.
കശ്മീരിലെ ഭീകരവാദപ്രവര്‍ത്തനങ്ങളില്‍ ശക്തമായ സാന്നിദ്ധ്യമാണ് ഹിസ്ബുള്‍ മുജാഹിദ്ദീന്‍. ജമ്മു കശ്മീരിലെ ഭീകരവാദ സംഘങ്ങളുടെ മുഖ്യ സാമ്പത്തിക സ്രോതസ്സാണ് ഹിസ്ബുള്‍ മുജഹിദ്ദീന്‍. ഐ എസ് ഐ അടക്കമുള്ള പാകിസ്ഥാന്‍ ഭീകരവാദ സംഘടനകളുടെ മൗനാനുവാദത്തോടെ ജമ്മു കാശ്മീര്‍ അഫക്ടീസ് റിലീഫ് ട്രസ്റ്റ് എന്ന പേരില്‍ ഇന്ത്യയില്‍ ഇവര്‍ തീവ്രവാദ പ്രവര്‍ത്തനങ്ങള്‍ക്ക് സഹായമെത്തിക്കുന്നതായും എന്‍ഫോഴ്‌സ്‌മെന്റ് ഡയറക്ടറേറ്റ് പറഞ്ഞു.
https://www.facebook.com/Malayalivartha
