ഇന്ന് രണ്ട് വലിയ ഛിന്ന ഗ്രഹങ്ങള്‍ ഭൂമിക്കരികിലൂടെ കടന്നു പോകും. നാസയുടെ നിയര്‍ എര്‍ത്ത് ഒബ്ജക്‌ട് സ്റ്റഡീസാണ് ഇത് സംബന്ധിച്ച മുന്നറിയിപ്പ് നൽകിയത്. 2000 ക്യൂഡബ്ല്യൂ 7, 2010 സിഓ 1 എന്നിവയാണ് ഭൂമിക്കരികിലൂടെ കടന്നുപോകുന്ന ഗ്രഹങ്ങൾ. ഇതില്‍ 2000 ക്യുഡബ്ല്യൂ 7 ന് ലോകത്തെ ഏറ്റവും വലിയ കെട്ടിടമായ ദുബായിലെ ബുര്‍ജ് ഖലീഫയുടെ അത്രയും വലിപ്പമുണ്ടെന്നാണ് കണ്ടെത്തൽ.

ഇതിന് ഏകദേശം 290 മുതല്‍ 650 മീറ്റര്‍വിസ്താരമുണ്ട്. കഴിഞ്ഞ തിങ്കഴാഴ്ച 2019 ആര്‍എക്സ് 1, 2019 ക്യൂ സെഡ് 3, 2019 ആര്‍ജി 2 എന്നീ മൂന്ന് ഛിന്നഗ്രങ്ങള്‍ ഭൂമിയോടടുത്തിരുന്നു. ഇതിന് പിന്നാലെയാണ് ഇന്ന് ഈ ഗ്രഹങ്ങൾ അടുക്കുന്നത്. ഈ ഛിന്നഗ്രഹം ആദ്യമായല്ല ഭൂമിയോട് അടുത്ത സഞ്ചരിക്കുന്നത്. നേരത്തെ 2000 സെപ്റ്റംബര്‍ ഒന്നിന് ഇത് ഭൂമിയുടെ അടുത്ത് വന്നിരുന്നു. സൂര്യനെ ചുറ്റുന്ന പാറകളാണ് ഛിന്നഗ്രഹങ്ങള്‍. സൗരയൂഥത്തിലെ മറ്റ് ഗ്രഹങ്ങളെ പോലെ ഇവ സൂര്യനെ വലം വയ്ക്കുന്നവയാണ്. എന്നാല്‍ ഗ്രഹങ്ങളേക്കാള്‍ ചെറുതാണ് ഇവ.