സൗന്ദര്യ വര്ദ്ധക ക്രീം ഉപയോഗിച്ചതിനെ തുടര്ന്ന് യുവതി ഗുരുതരാവസ്ഥയില്
സൗന്ദര്യം വർദ്ധിക്കാൻ പല തരത്തിലുള്ള വസ്തുക്കളെ ആശ്രയിക്കുന്നവരുടെ ശ്രദ്ധയ്ക്ക്.സൗന്ദര്യ വര്ദ്ധക ക്രീം ഉപയോഗിച്ചതിനെ തുടര്ന്ന് 47കാരി ഗുരുതരാവസ്ഥയില്. മായം കലര്ന്ന ക്രീം ഉപയോഗിച്ചതിന് പിന്നാലെയാണ് കാലിഫോര്ണിയ യുവതിക്ക് അബദ്ധം സംഭവിച്ചത്. മെക്സിക്കോയില് നിന്നുള്ള ഒരു സൗന്ദര്യവര്ദ്ധക ക്രീമാണ് ഇവര് വാങ്ങിയിരുന്നത്. എന്നാല് ഈ ക്രീം ഉപയോഗിച്ചതോടെ അവർക്ക് അസ്വസ്ഥതകള് അനുഭവപ്പെടുകയായിരുന്നു.
സാക്രമെന്റോ സ്വദേശിനിയായ 47കാരി ജാലിസ്കോ ഒരു ഫാര്മസിയില് നിന്നുമായിരുന്നു സൗന്ദര്യവര്ദ്ധക വസ്തു വാങ്ങിയത്. . ക്രീം ഉപയോഗിച്ചതിനെ തുടര്ന്ന് കൈയിലും മുഖത്തും മരവിപ്പനുഭവപ്പെട്ടു. അതിന് പിന്നാലെ സംസാരശേഷി നഷ്ടപ്പെടമാകുകയും ചെയ്തു . ഇവര്ക്ക് നടക്കാനും ബുദ്ധിമുട്ടുണ്ട്. ഇതോടെ ഇവരെ ആശുപത്രിയില് പ്രവേശിപ്പിച്ചെങ്കിലും നില അതീവ ഗുരുതരമായി. ജൂലൈ മുതല് ഇവര് ആശുപത്രിയിലാണെന്ന് ബന്ധുക്കളുടെ ഭാഷ്യം.ശരീരത്തിനെ ദോഷമായി ബാധിക്കുന്ന മെര്ക്കുറി ചില ക്രീമുകളില് ചേര്ക്കാറുണ്ടെന്ന് ആരോഗ്യവകുപ്പ് അധികൃതര് വ്യക്തമാക്കി. പ്രായാധിക്യം മൂലമുണ്ടാകുന്ന പാടുകൾ , നീക്കം ചെയ്യാനാണിത് ഉപയോഗിക്കുന്നത് . ഈ യുവതിയുടെ രക്തത്തില് ലിറ്ററില് 2,630 മൈക്രോഗ്രാം മെര്ക്കുറി ഉണ്ടായിരുന്നുവെന്ന് അധികൃതര് പറയുന്നത്. അനുവദനീയമായ നിലയുടെ 500 ഇരട്ടിയാണ് ഇത്. കാലിഫോര്ണിയയില് അടുത്തകാലത്തായി ഇത്തരത്തിലുള്ള പ്രശ്നങ്ങള് കൂടിവരികയാണെന്ന് അധികൃതര് വെളിപ്പെടുത്തുകയുണ്ടായി.
https://www.facebook.com/Malayalivartha