ഗർഭഛിദ്ര ഡോക്ടറുടെ മരണ ശേഷം അദ്ദേഹത്തിന്റെ വീട് വൃത്തിയാക്കിയവർ കണ്ടത് ഞെട്ടിക്കുന്ന കാഴ്ച്ച ; സംഭവം ഇങ്ങനെ
ഡോക്ടർ ഉൾറിച് ക്ലോപ്ഫെറിന്റെ വീട്ടിൽ കണ്ടത് ഞെട്ടിക്കുന്ന കാഴ്ച്ച. ഗർഭഛിദ്ര ഡോക്ടറുടെ മരണശേഷം അദ്ദേഹത്തിന്റെ വീട് വൃത്തിയാക്കിയവർക്ക് കിട്ടിയത് 2246 ഭ്രൂണങ്ങൾ. അമേരിക്കയിലെ ഇല്ലിനോയിസ് എന്ന സ്ഥലത്താണ് ഈ സംഭവം നടന്നത്. ഇദ്ദേഹത്തിന്റെ വീട്ടിൽ നിന്ന് കണ്ടെടുത്ത 2246 ഭ്രൂണങ്ങളും വിശദമായ പരിശോധനയ്ക്ക് അയച്ചിരിക്കുകയാണ്. പോലീസ് കേസ് എടുത്തിട്ടുണ്ട്.
ഇന്ത്യാനയ്ക്കടുത്ത് സൗത്ത് ബെന്റിൽ ക്ലിനിക്കുണ്ടായിരുന്നു. എന്നാൽ 2016 ൽ ഇദ്ദേഹത്തിന്റെ വൈദ്യപരിശോധന ലൈസൻസ് പിൻവലിക്കുകയുണ്ടായി. അതിന് ശേഷം ഇവിടെ തുറന്നിട്ടില്ല . സർക്കാർ അനുവാദമില്ലാതെ 13 കാരിക്ക് ഗർഭഛിദ്രം നടത്തിയത് കണ്ടെത്തിയതോടെയാണ് അദ്ദേഹത്തിൻറെ ലൈസൻസ് മാറ്റിയത്. തിരുമ്മ് ചികിത്സയിൽ വിദഗ്ദ്ധനായ ഫിസിഷ്യൻ എന്നാണ് ഇദ്ദേഹത്തിന്റെ സർട്ടിഫിക്കറ്റിൽ പറയുന്നത് . എന്നാൽ 43 വർഷമായി ഗർഭഛിദ്രം നടത്തുകയാണെന്നും ഇതിനിടയിൽ ഒരു തെറ്റ് പോലും സംഭവിച്ചിട്ടില്ലെന്നാണ് അദ്ദേഹം പറയുന്നത്. ഈ കേസിലെ വാദത്തിനിടെ അദ്ദേഹം കോടതിയിൽ ഇപ്രകാരം പറഞ്ഞതായി അദ്ദേഹം പറഞ്ഞു. "സ്ത്രീകളാണ് ഗർഭം ധരിക്കുന്നത്, പുരുഷനല്ല. അവരുടെ വ്യക്തിജീവിതത്തിൽ അവർക്ക് ഗുണകരമെന്ന് തോന്നുന്ന തീരുമാനം സ്ത്രീയെടുത്താൽ അതിനെ നമ്മൾ മാനിക്കേണ്ടതുണ്ട്. ഞാനിവിടെ ആരെയും തിരുത്താനില്ല. ഞാനിവിടെ ആരെക്കുറിച്ചും മുൻധാരണകൾ പങ്കുവയ്ക്കാനുമില്ല," . എന്നാൽ അദ്ദേഹത്തിന്റെ മരണ ശേഷം കണ്ടെടുത്ത ഈ ഭ്രൂണങ്ങൾ സംശയങ്ങൾക്ക് വഴി തെളിയിച്ചിരിക്കുകയാണ്.
https://www.facebook.com/Malayalivartha