ജോലികള്‍ ഏത് തന്നെയായാലും അത് എങ്ങനെ ചെയ്യണമെന്നുള്ളത് ജോലിചെയ്യുന്നവരുടെ താത്പര്യം അനുസരിച്ചാണ്. എന്നാല്‍ മാത്രമേ ഏത് ജോലിയായാലും പൂര്‍ത്തിയാക്കാന്‍ സാധിക്കുകയുള്ളൂ. സ്‌കോട്‌ലന്‍ഡ് സ്വദേശിയായ യുവതി വേറിട്ട രീതിയില്‍ സ്വയം ജോലി കണ്ടെത്തിയിരിക്കുകയാണ്. വിക്ടോറിയ മാര്‍ഫിയ എന്ന 25കാരി ബ്യൂട്ടീഷ്യന്‍ ജോലി ഉപേക്ഷിച്ച് വീട് വൃത്തിയാക്കല്‍ ജോലി തിരഞ്ഞെടുത്തിരിക്കുന്നത്. എന്നാല്‍ മറ്റ് ജോലിക്കാരെ പോലെയല്ല പരിപൂര്‍ണ നഗ്‌നയായാണ് ഇവര്‍ വീട് വൃത്തിയാക്കുക. ജോലിക്കാരിയായി തുടങ്ങി ഇപ്പോള്‍ ഒരു സംരംഭകയായി വളര്‍ന്നിരിക്കുകയാണ് വിക്ടോറിയ. 'ഗ്ലിമ്മര്‍' എന്ന പേരില്‍ സ്ഥാപനം ആരംഭിച്ചിരിക്കുകയാണ് വിക്ടോറിയ. ഇപ്പോള്‍ പതിനഞ്ച് പേരാണ് വിക്ടോറിയയ്ക്ക് ഒപ്പം നഗ്‌നയായി വീട് വൃത്തിയാക്കുന്ന ജോലി ചെയ്യുന്നത്. 

ബ്യൂട്ടീഷ്യന്‍ ജോലി ചെയ്ത് വന്നിരുന്ന സമയത്ത് ശ്രദ്ധയില്‍പ്പെട്ട ഒരു പരസ്യമാണ് ഇത്തരത്തില്‍ ഒരു ജോലി തിരഞ്ഞെടുക്കാന്‍ പ്രചോദനമായതെന്ന് വിക്ടോറിയ പറയുന്നു. നഗ്‌നമായി ജോലി ചെയ്യാന്‍ താത്പര്യമുള്ള സ്ത്രീകളെ ആവശ്യപ്പെട്ടുകൊണ്ടുള്ളതായിരുന്നു ആ പരസ്യം. 'സന്തോഷവും രസവുമുള്ള ഒരു ജോലി ചെയ്യണം എന്നാണ് ഞാന്‍ ആഗ്രഹിച്ചത്. പക്ഷെ അത് വല്ലാതെ എക്‌സ്ട്രീം ആകാന്‍ പാടില്ല. അതുകൊണ്ട് ഈ ജോലി തിരഞ്ഞെടുത്തു. ഇതൊരിക്കലും വേശ്യാവൃത്തിയല്ല. ഞങ്ങളുടെ ജോലി അല്‍പ്പം പഞ്ചാരയും കുസൃതിയും നിറഞ്ഞതാണ്. ഞാന്‍ ഈ ജോലി ചെയ്തപ്പോള്‍ അത് വളരെ രസകരമായിരുന്നു. ഒരിക്കല്‍ പോലും മോശമായി ആരും എന്നോട് പെരുമാറിയിട്ടില്ല.' വിക്ടോറിയ പറഞ്ഞു.
പിന്നീട് താന്‍ ജോലിക്കാരെ ആവശ്യപ്പെട്ട് പരസ്യം ചെയ്തപ്പോള്‍ നൂറില്‍ അധികം സ്ത്രീകള്‍ അപേക്ഷകള്‍ അയച്ചു. എണ്‍പതിനും ഇരുപത്തിയഞ്ചിനും ഇടയിലുള്ള സ്ത്രീകള്‍ ഇക്കൂട്ടത്തില്‍ ഉണ്ടായിരുന്നെന്നും വിക്ടോറിയ പറയുന്നു. 55 മുതല്‍ 75 പൗണ്ട് വരെയാണ് ഇവര്‍ വീടുകള്‍ ഒരു തവണ വൃത്തിയാക്കുന്നതിനായി ഈടാക്കുന്നത്. പൂര്‍ണമായും നഗ്‌നയായി ജോലി ചെയ്യുന്നതിനാണ് 75 പൗണ്ട്(6652 രൂപ) നല്‍കേണ്ടത്. ഈ സംരംഭം തുടങ്ങുന്നതിനു മുന്‍പ് സ്വയം വീടുകള്‍ വൃത്തിയാക്കാന്‍ പോയി ഈ തൊഴിലിന്റെ വിവിധ വശങ്ങള്‍ വിക്ടോറിയ മനസിലാക്കിയിരുന്നു. താന്‍ ചെയ്യാത്തതൊന്നും തന്റെ ജോലിക്കാരെ കൊണ്ട് ചെയ്യിപ്പിക്കാന്‍ പാടില്ല എന്നാണ് ഇവെന്റ്‌സ് മാനേജ്‌മെന്റ് ബിരുദധാരിയായ വിക്ടോറിയയുടെ പക്ഷം.