ഇറാഖിലെ യുഎസ് സൈനികത്താവളത്തിന് നേരേ റോക്കറ്റ് ആക്രമണം... യുഎസ് സൈനികര് തമ്പടിച്ചിരിക്കുന്ന വടക്കന് ബാഗ്ദാദിലെ വ്യോമത്താവളത്തിന് നേരേയാണ് റോക്കറ്റ് ആക്രമണമുണ്ടായത്, നാല് ഇറാക്ക് സൈനികര്ക്ക് പരിക്ക്, വ്യോമത്താവളത്തിലെ റണ്വേയില് നാല് റോക്കറ്റുകള് പതിച്ചെന്നാണ് വിവരം
ഇറാഖിലെ യുഎസ് സൈനികത്താവളത്തിന് നേരേ റോക്കറ്റ് ആക്രമണം... യുഎസ് സൈനികര് തമ്പടിച്ചിരിക്കുന്ന വടക്കന് ബാഗ്ദാദിലെ വ്യോമത്താവളത്തിന് നേരേയാണ് റോക്കറ്റ് ആക്രമണമുണ്ടായത്. ഇറാഖ് തലസ്ഥാനമായ ബാഗ്ദാദില്നിന്ന് ഏകദേശം 80 കിലോമീറ്റര് അകലെയാണ് ബലാദ് വ്യോമത്താവളം സ്ഥിതിചെയ്യുന്നത്.
വടക്കന് ആക്രമണത്തില് നാല് ഇറാക്ക് സൈനികര്ക്കു പരിക്കേറ്റതായാണു റിപ്പോര്ട്ട്. ഇറാക്കില് യുഎസ് സൈനികര് തന്പടിച്ചിരിക്കുന്ന കേന്ദ്രമാണ് ആക്രമണം നടന്ന വ്യോമതാവളം. നാലു റോക്കറ്റുകളാണ് ഇവിടെ പതിച്ചത്. ഇവിടെനിന്ന് ഭൂരിപക്ഷം യുഎസ് സൈനികരെയും നീക്കിയിരുന്നതായി സൈനിക വൃത്തങ്ങളെ ഉദ്ധരിച്ച് വാര്ത്താ ഏജന്സി റിപ്പോര്ട്ട് ചെയ്തു. ആക്രമണത്തിന്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.
ഇറാനും അമേരിക്കയും തമ്മില് സംഘര്ഷം തുടരുന്നതിനിടെയാണു പുതിയ റോക്കറ്റാക്രമണം. ഇറാക്കില് യുഎസ് സൈനികരുള്ള താവളങ്ങള്ക്കു നേരെ കഴിഞ്ഞ മാസങ്ങളില് റോക്കറ്റ്, മോര്ട്ടാര് ആക്രമണങ്ങളുണ്ടായിരുന്നു. എന്നാല് ഭൂരിഭാഗം ആക്രമണങ്ങളിലും ഇറാക്കി സൈനികര്ക്കാണു പരിക്കേറ്റത്. വ്യോമത്താവളത്തിലെ റണ്വേയില് നാല് റോക്കറ്റുകള് പതിച്ചെന്നാണ് വിവരം. എന്നാല് ആക്രമണത്തിന്റെ വിശദവിവരങ്ങള് ലഭ്യമായിട്ടില്ല.
ഇറാന് ഗുദ്സ് ഫോഴ്സ് കമാന്ഡര് ഖാസിം സുലൈമാനിയെ യുഎസ് വ്യോമാക്രമണത്തില് കൊലപ്പെടുത്തിയതോടെയാണ് പശ്ചിമേഷ്യ വീണ്ടും സംഘര്ഷഭരിതമായത്. സുലൈമാനിയുടെ വധത്തിന് പിന്നാലെ ബാഗ്ദാദിലെ യുഎസ് എംബസിക്ക് സമീപവും അല് അസദ്, ഇര്ബില് എന്നിവിടങ്ങളിലെ യുഎസ് സൈനികത്താവളങ്ങള്ക്ക് നേരേയും ഇറാന് വ്യോമാക്രമണം നടത്തിയിരുന്നു.
https://www.facebook.com/Malayalivartha
