100% വിശ്വാസം; 19-ന് കാരണക്കാരനായ കൊറോണ വൈറസിനെ പൂര്ണമായും പ്രതിരോധിക്കുന്ന ആന്റിബോഡി കണ്ടെത്തിയെന്ന് അമേരിക്ക; മരുന്നിന്റെ രണ്ടു ലക്ഷം ഡോസ് ഒരു മാസത്തിനുള്ളില് വിതരണത്തിന് തയ്യാറാക്കുമെന്നാണ് കമ്പനി
അമേരിക്കയില് നിന്ന് വളരെ പ്രതീക്ഷയുള്ള ഒരു വാര്ത്ത വരികയാണ്. കൊവിഡിനെ ചുട്ടെരിക്കുന്ന ആന്റീബോഡി അമേരിക്ക കണ്ടെത്തി എന്നുള്ളതാണ് അത്, ഈ വാര്ത്തക്ക് വലിയ പ്രാധാന്യമാണ് ഇപ്പോള് മാധ്യമങ്ങള് നല്കുന്നത്, കാരണം മറ്റൊന്നുമല്ല. അമേരിക്ക 100% വിജയമാണ് ഈ ആന്റീബോഡിയില് അവകാശപ്പെടുന്നത് എന്നുള്ളതാണ്. മറ്റു ചില രാജ്യങ്ങളും തങ്ങളുടെ വാക്സിനുകള് വിജയമാണ് എന്നൊക്കെ പ്രഖ്യാപിക്കുന്നുണ്ട് എങ്കിലും ഇത്രയും വിശ്വാസ്യതയും ആത്മവിശ്വാസവും പ്രകടിപ്പിച്ചു കണ്ടിട്ടില്ല. കാവിഡ് 19-ന് കാരണക്കാരനായ കൊറോണ വൈറസിനെ പൂര്ണമായും പ്രതിരോധിക്കുന്ന ആന്റിബോഡിയാണ് ഞങ്ങള് കണ്ടെത്തിയതെന്നാണ് അമേരിക്കന് മരുന്ന് കമ്പനി വ്യക്തമാക്കുന്ന കാര്യം. കാലിഫോര്ണിയയിലെ സൊറെന്റൊ തെറാപ്യൂട്ടിക്സ് എന്ന മരുന്നു കമ്പനിയാണ് വൈറസിനെ പ്രതിരോധിക്കുന്ന ആന്റിബോഡ് വികസിപ്പിച്ചിരിക്കുന്നത്. ഇവരുടെ എസ്.ടി.ഐ-1499 എന്ന ആന്റിബോഡിക്ക് വൈറസിനെ കോശങ്ങള്ക്കുള്ളിലേക്ക് കയറുന്നതില്നിന്ന് തടയാന് 100% സാധിച്ചുവെന്നാണ് അവകാശവാദം.
മരുന്നിന് അംഗീകാരം നേടുന്നതിനായി അമേരിക്കന് ഫുഡ് ആന്ഡ് ഡ്രഗ് അഡ്മിനിസ്ട്രേഷന് കമ്പനി അപേക്ഷ സമര്പ്പിച്ചിട്ടുണ്ട്. കോവിഡിനെതിരായ മരുന്നിന്റെ രണ്ടു ലക്ഷം ഡോസ് ഒരു മാസത്തിനുള്ളില് വിതരണത്തിന് തയ്യാറാക്കുമെന്നാണ് കമ്പനി പറയുന്നത്. അങ്ങിനെയെങ്കില് നിലവില് പരീക്ഷണത്തിലിരിക്കുന്ന കോവിഡ് വാക്സിനുകളേക്കാള് വേഗത്തില് ഇവ വിപണിയിലെത്തും.
കോവിഡിനെതിരായ മരുന്നിന്റെ വിവരം പുറത്തുവന്നതിന് പിന്നാലെ സൊറെന്റൊ തെറാപ്യൂട്ടിക്കിന്റെ ഓഹരി മൂല്യത്തില് 220 ശതമാനത്തിന്റെ വര്ധനവാണ് ഉണ്ടായത്. അതേസമയം കമ്പനി വികസിപ്പിച്ച ആന്റിബോഡി മനുഷ്യരില് പരീക്ഷിക്കുകയോ അതിന്റെ ദൂഷ്യഫലങ്ങള് എന്തൊക്കെ ആയിരിക്കുമെന്ന് കണ്ടെത്തുകയോ ചെയ്തിട്ടില്ല.
കൊറോണ കുടുംബത്തില് പെട്ട വൈറസുകള്കക്കെതിരെ ശരീരത്തിലെ പ്രതിരോധസംവിധാനം ഉത്പിപ്പിക്കുന്ന നിവധി ആന്റിബോഡികളെ അനുകരിക്കുകയാണ് സൊറെന്റൊയുടെ മരുന്ന് ചെയ്യുന്നത്. വൈറസ് കോശത്തിനുള്ളിലേക്ക് കടക്കുന്നതിന് മാധ്യമമായി ഉപയോഗിക്കുന്ന കോശങ്ങളിലെ എസിഇ2 റിസപ്റ്ററുകളുടെ പ്രതലത്തില് ആവരണമൊരുക്കുകയാണ് ഈ ആന്റിബോഡി ചെയ്യുന്നത്. ഇതിലൂടെ വൈറസ് കോശങ്ങള്ക്കുള്ളിലേക്ക് പ്രവേശിക്കുന്നത് തടയുകയാണ് ചെയ്യുന്നത്.
അത് മാത്രമല്ല വൈറസിനെ പ്രതിരോധിക്കുന്നതിനൊപ്പം ശരീരത്തിന്റെ പ്രതിരോധ സംവിധാനങ്ങളെ ഇത് ഉണര്ത്തുകയും ചെയ്യുമെന്നാണ് ഗവേഷകര് പറയുന്നത്. കോശങ്ങള്ക്കുള്ളില് കയറാന് സാധിച്ചില്ലെങ്കില് വൈറസിന് അധികകാലം ജീവിക്കാന് സാധിക്കില്ല. ശരീരം സ്വാഭാവികമായി അതിനെ പുറംതള്ളുമെന്നും ഗവേഷകനായ ഡോ. ഡെറെക് ലോവ് പറയുന്നു. ഒരു താത്കാലിക വാക്സിന് പോലെ പ്രവര്ത്തിക്കാന് തങ്ങളുടെ ആന്റിബോഡിക്ക് സാധിക്കുമെന്നാണ് ഇദ്ദേഹം പറയുന്നത്. എന്നാല് രോഗം ബാധിക്കാത്തവരില് മാത്രമേ ഇത് പ്രതിരോധം തീര്ക്കുകയുള്ളു.
https://www.facebook.com/Malayalivartha
