ഗംഗാനദിയുടെ പുനരുജ്ജീവനത്തിന് ലോക ബാങ്ക് 400 ദശലക്ഷം ഡോളര് നല്കും
ഗംഗാനദിയിലെ മലിനീകരണം തടയുന്നതിനും 500 ദശലക്ഷം ജനങ്ങള് ആശ്രയിക്കുന്ന നദീതടത്തിന്റെ പരിപാലനം ശക്തമാക്കുന്നതിനും ഉദ്ദേശിച്ചള്ള 'നമാമി ഗംഗേ' പദ്ധതിക്ക് പിന്തുണ നല്കുന്നതിന് ലോക ബാങ്കും കേന്ദ്ര സര്ക്കാരും വായ്പാ കരാറില് ഒപ്പു വച്ചു.
ദേശീയ ഗംഗാ നദീതട പദ്ധതി വഴി 2011-മുതല് ലോക ബാങ്ക് കേന്ദ്ര സര്ക്കാര് പ്രവര്ത്തനങ്ങളെ പിന്തുണയ്ക്കുന്നുണ്ട്.
381 ദശലക്ഷം ഡോളര് വായ്പയും 19 ദശലക്ഷം ഡോളര് വരെയുള്ള ഈടും അടങ്ങുന്നതാണ് 400 ദശലക്ഷം ഡോളറിന്റെ സഹായം.
കേന്ദ്ര സാമ്പത്തിക കാര്യ വകുപ്പ് അഡീഷണല് സെക്രട്ടറി സമീര് കുമാര് ഖരേയും ലോക ബാങ്ക് ആക്ടിങ് കണ്ട്രി ഡയറക്ടര് (ഇന്ത്യ) ഖൈവസര് ഖാനും ചേര്ന്ന് വായ്പ കരാറില് ഒപ്പു വച്ചു.
നിരവധി നദീതട നഗരങ്ങളില് മലിനജല സംസ്കരണത്തിനുള്ള അടിസ്ഥാനസൗകര്യം വികസിപ്പിക്കുന്നതിനും നദീ പരിപാലനത്തിനുള്ള നോഡല് ഏജന്സിയായി ഗംഗാ ശുചീകരണത്തിനുള്ള ദേശീയ ദൗത്യം ആവിഷ്ക്കരിക്കാനും ഈ പദ്ധതി സഹായകരമാകുമെന്നും അധികൃതര് അറിയിച്ചു.
https://www.facebook.com/Malayalivartha