പ്രതീക്ഷിക്കാത്ത തിരിച്ചടി; ചൈനയ്ക്കെതിരേ കൂടുതൽ നടപടി സ്വീകരിക്കാൻ അമേരിക്ക ഒരുങ്ങുന്നതായി വൈറ്റ് ഹൗസ്
ലോകാരോഗ്യ സംഘടനയില് നിന്നും അമേരിക്ക പിന്മാറിയതിനു പിന്നാലെ ചൈന കടുത്ത പ്രതിരോധത്തിലാണ്. ഇതിന്റെ ഭാഗമായി കൊറോണയുടെ ഉറവിടം കണ്ടെത്താനായി രാജ്യത്ത് ലോകാരോഗ്യ സംഘടനക്ക് പരിശോധന നടത്താമെന്ന് ചൈന അറിയിച്ചിട്ടുമുണ്ട്. അമേരിക്ക പിന്മാറിയെന്ന റിപ്പോര്ട്ടുകള് പുറത്തുവന്നതിന് മണിക്കൂറുകള്ക്കുള്ളിലാണ് ചൈനയുടെ മലക്കം മറിച്ചിലെന്നതും ശ്രദ്ധേയമാണ്.
എന്നാൽ ചൈനയ്ക്കെതിരേ കൂടുതൽ നടപടി സ്വീകരിക്കാൻ അമേരിക്ക ഒരുങ്ങുന്നതായാണ് വൈറ്റ് ഹൗസ് വ്യക്തമാക്കുന്നത്. കോവിഡ് 19 വ്യാപനത്തിന് ശേഷം യു.എസ്.-ചൈന ബന്ധം ഏറെ വഷളായതിന് പിന്നാലെയാണ് ചൈനയ്ക്കെതിരേയുള്ള അമേരിക്കയുടെ നിർണായക നീക്കം. ഒരു തിരിച്ചടി ചൈനക്ക് പ്രതീക്ഷിക്കാമെങ്കിലു എന്തെല്ലാം നടപടികളാണ് അമേരിക്ക സ്വീകരിക്കുന്നതെന്ന കാര്യത്തിൽ വ്യക്തത വന്നിട്ടില്ല.
ചൈനയ്ക്കെതിരേ വരാനിരിക്കുന്ന ചില നടപടികളെക്കുറിച്ച് നിങ്ങൾ കേൾക്കുമെന്ന് വൈറ്റ് ഹൗസ് പ്രസ് സെക്രട്ടറി കെയ്ലി മെക്കനാനി ബുധനാഴ്ച വാർത്താസമ്മേളനത്തിൽ വ്യക്തമാക്കിയിരുന്നു. 'ചൈനയ്ക്കെതിരേയുള്ള ഞങ്ങളുടെ നടപടികളെന്താണെന്ന് പ്രസിഡന്റിന് മുമ്പെ ഞാൻ പറയുന്നില്ല. വരാനിരിക്കുന്ന ചില നടപടികളെക്കുറിച്ച് നിങ്ങൾ കേൾക്കും. അക്കാര്യം എനിക്ക് ഉറപ്പിച്ച് പറയാൻ സാധിക്കും.' എന്നാണ് കെയ്ലി നടത്തിയ പ്രസ്ഥാവന.
കോവിഡ് വ്യാപന വിഷയത്തിന് പുറമേ ചൈന ഹോങ്കോങ്ങിൽ ഏർപ്പെടുത്തിയ ദേശീയ സുരക്ഷാ നിയമം, അമേരിക്കൻ മാധ്യമപ്രവർത്തകർക്കുള്ള നിയന്ത്രണം, ടിബറ്റിലെ സുരക്ഷാ നടപടികൾ തുടങ്ങിയ വിഷയങ്ങളിലും ഇരുരാജ്യങ്ങളും തമ്മിൽ ഭിന്നത നിലനിന്നിരുന്നു. ഇക്കാര്യങ്ങളിൽ യു.എസ്. ദേശീയ സുരക്ഷ ഉപദേഷ്ടാവ് റോബർട്ട് ഒബ്രിയാൻ ഉൾപ്പെടെയുള്ളവർ കഴിഞ്ഞ ദിവസം ചൈനയെ വിമർശിക്കുകയും ചെയ്തിരുന്നു. ഇതിന് പിന്നാലെയാണ് ചൈനയ്ക്കെതിരേ നടപടിയുണ്ടാകുമെന്നുള്ള കാര്യത്തിൽ വൈറ്റ് ഹൗസിന്റെ പ്രതികരണം വന്നിരിക്കുന്നത് നിർണായകമാണ്.
ലോകാരോഗ്യ സംഘടനയില് നിന്നുള്ള അമേരിക്കയുടെ പിന്മാറ്റത്തെ ചൈന അപലപിച്ചു. ആഗോളതലത്തില് കൊറോണക്കെതിരായ പ്രതിരോധ പ്രവര്ത്തനങ്ങളെ പ്രതികൂലമായി ബാധിക്കുമെന്ന് ചൈനീസ് വക്താവ് ഷാഒ ലിജിയന് പറഞ്ഞു. വൈറസിന്റെ പ്രഭവ കേന്ദ്രമെന്ന് വിലയരുത്തപ്പെടുന്ന വുഹാനിലുള്പ്പെടെ അന്വേഷണം നടത്താമെന്നാണ് ചൈന അറിയിച്ചിരിക്കുന്നത്. വൈറസ് മറ്റു രാജ്യങ്ങളിലേക്ക് പടര്ന്നതോടെ ചൈനക്കെതിരെ ഗുരുതരമായ ആരോപണങ്ങളാണ് ഉയര്ന്നത്. ഉറവിടം സംബന്ധിച്ച അന്വേഷണം വേണമെന്ന് അമേരിക്ക ഉള്പ്പെടെ ശക്തമായി ആവശ്യപ്പെട്ടിരുന്നു. എന്നാല് ലോകാരോഗ്യ സംഘടന ചൈനക്ക് അനുകൂല നിലപാട് എടുത്തതോടെയാണ് അമേരിക്ക സംഘടനയില് നിന്നും പിന്മാറ്റം പ്രഖ്യാപിച്ചത്.
ചൈനയ്ക്കെതിരേയുള്ള ഞങ്ങളുടെ നടപടികളെന്താണെന്ന് പ്രസിഡന്റിന് മുമ്പെ ഞാൻ പറയുന്നില്ല. വരാനിരിക്കുന്ന ചില നടപടികളെക്കുറിച്ച് നിങ്ങൾ കേൾക്കും എന്ന് വൈറ്റ് ഹൗസ് പ്രസ് സെക്രട്ടറി പറയുമ്പോൾ കാര്യം ചൈനക്ക് അനുകൂലമല്ലെന്നു തന്നെ കരുതാൻ.
https://www.facebook.com/Malayalivartha