ഇനി ഗൂഗിള് പ്ലസ് അല്ല, ഗൂഗിള് കറന്റ്സ് !
ഗൂഗിള് പ്ലസ് ലക്ഷ്യം വിജയം കാണാതിരുന്നതിനെ തുടര്ന്ന് സാധാരണ ഉപയോക്താക്കള്ക്ക് വേണ്ടിയുള്ള സേവനം നേരത്തെ തന്നെ അവസാനിപ്പിച്ച ഗൂഗിള് പ്ലസ് ഇപ്പോള് ഗൂഗിള് പ്ലസിന്റെ എന്റര്പ്രൈസ് പതിപ്പും പിന്വലിക്കുന്നു. അതോടെ ഗൂഗിള് പ്ലസ് സേവനം പൂര്ണമായി വിടപറയുകയാണ്. ഇതിന് പകരമായി ഗൂഗിള് അവതരിപ്പിച്ചിരിക്കുന്ന സേവനമാണ് ഗൂഗിള് കറന്റ്സ്. ഫെയ്സ്ബുക്കിന്റെ എതിരാളിയായി ഗൂഗിള് അവതരിപ്പിച്ചതായിരുന്നു ഗൂഗിള് പ്ലസ്്.
ഗൂഗിള് പ്ലസിന്റെ ഐഓഎസ്, ആന്ഡ്രോയിഡ് ആപ്ലിക്കേഷനുകള് ഗൂഗിള് കറന്റ്സ് എന്ന് പേരില് അവതരിപ്പിച്ചു കഴിഞ്ഞു എന്നാണ് റിപ്പോര്ട്ട്. സ്ഥാപനങ്ങളെ ലക്ഷ്യമിട്ട് ആണ് നിലവില് ഗൂഗിള് കറന്റ്സ് അവതിരിപ്പിച്ചിരിക്കുന്നത്. സ്ഥാപനത്തിനുള്ളിലെ ആശയവിനിമയം മെച്ചപ്പെടുത്താന് ആണ് ഇതിന്റെ ഉദ്ദേശം. അതേസമയം, ഇത് സാധാരണ ഉപയോക്താക്കള്ക്കായി അവതരിപ്പിക്കുമോ എന്ന് ഇപ്പോള് വ്യക്തമല്ല.
2011-ല് ആണ് ഗൂഗിള് പ്ലസ് അവതരിപ്പിച്ചത്. എന്നാല്, ഒരു സോഷ്യല് മീഡിയ എന്ന രീതിയില് ആരും തന്നെ ഗൂഗിള് പ്ലസ് പ്രയോജനപ്പെടുത്തിയിരുന്നില്ല. 2019 ഏപ്രിലില് ആണ് ഉപയോക്താക്കള്ക്കുള്ള ഗൂഗിള് പ്ലസ് സേവനം നിര്ത്തലാക്കിയത്.
ഗൂഗിള് കറന്റസ് പുതിയ ഇന്റര്ഫെയ്സും പുതിയ ചില ഫീച്ചറുകളുമായാണ് എത്തിയിരിക്കുന്നത്. ഹോം സ്ക്രീനില് ഇഷ്ടാനുസരണം മാറ്റം വരുത്താം. പ്രാധാന്യം അനുസരിച്ച് പോസ്റ്റുകള് ക്രമീകരിക്കുകയും ദൃശ്യമാക്കുകയും ചെയ്യാവുന്നതാണ്.
https://www.facebook.com/Malayalivartha