ഇന്ന് മലാലയുടെ 23-ാം ജന്മദിനം; പെണ്കുട്ടികളുടെ ധീരതയുടെ കഥകള് പ്രസിദ്ധപ്പെടുത്തുന്ന പുസ്തകം 2021-ല്
താലിബാന്റെ വെടിയുണ്ടകളില് നിന്ന് രക്ഷപ്പെട്ട്, പെണ്കുട്ടികളുടെ അവകാശങ്ങള്ക്കായുള്ള പോരാട്ടത്തിനായി ജീവിതം സമര്പ്പിച്ച പാകിസ്ഥാനി പെണ്കുട്ടിയായായ മലാല യൂസഫ്സായിയുടെ 23-ാം ജന്മദിനമാണിന്ന്. ലോകത്തിനാകെ പ്രചോദനമാകുന്ന വിധത്തില് അസാധാരണമായ ധീരതയോടെ പൊരുതിയ പെണ്കുട്ടികളുടെ ജീവിതം കോര്ത്തിണക്കിയ പുസ്തകമാണ് മലാല യൂസഫ്സായിയുടെ ജന്മദിനത്തില് പ്രഖ്യാപിച്ചിരിക്കുന്നത്
മലാലയുടെ ജന്മദിനമായ ജൂലൈ 12 മലാല ദിനമായി ഐക്യരാഷ്ട്രസഭ പ്രഖ്യാപിച്ചിട്ടുണ്ട് ..സ്ത്രീകളുടെയും കുട്ടികളുടെയും അവകാശങ്ങള്ക്കായുള്ള ദിവസമായാണ് ഈ ദിവസം ആചരിക്കുന്നത്..2013ലാണ് ഐക്യരാഷ്ട്ര സംഘടന ജൂലൈ 12 'മലാല ദിന'മായി പ്രഖ്യാപിച്ചത്. അന്നു മുതൽ പെൺകുട്ടികളുടെ വിദ്യാഭ്യാസത്തിനു തടസ്സങ്ങൾ നേരിടുന്ന രാജ്യങ്ങളിലൂടെ സഞ്ചരിച്ചാണു മലാലയുടെ പിറന്നാളാഘോഷം
സ്വന്തം നാട്ടിലും സമുദായത്തിലും നേരിട്ട അടിച്ചമര്ത്തലുകളും അതിജീവനങ്ങളും സ്കൂള് വിദ്യാര്ഥിനികള് തുറന്നുപറയുന്നതാണ് പുസ്തകത്തിലുണ്ടാകുക. ലോകത്ത് വിവേചനവും അടിച്ചമര്ത്തലും നേരിടുന്ന എല്ലാ പെണ്കുട്ടികള്ക്കും പ്രചോദനമാകാന് ലക്ഷ്യമിട്ടാണ് പുസ്തകം തയ്യാറാക്കുന്നത്.
മലാല യൂസഫ്സായിയെ പോലെ സ്വന്തം അനുഭവങ്ങള് തുറന്നുപറയാന് മറ്റു പെണ്കുട്ടികളെയും പ്രേരിപ്പിക്കാന് ലക്ഷ്യമിട്ടാണ് മലാല ഫണ്ട് അസംബ്ലി എന്ന പേരില് ഡിജിറ്റല് പ്രസിദ്ധീകരണം ആരംഭിച്ചത്. വിദ്യാഭ്യാസത്തിനും തുല്യതയ്ക്കും വേണ്ടി നടത്തിയ പോരാട്ടം ലോകത്തിനാകെ മാതൃകയാകുന്ന വിധത്തില് 25 പെണ്കുട്ടികള് തുറന്നുപറയുന്നതാണ് പുതിയ പുസ്തകത്തിലുള്ളതെന്ന് ടെസ് തോമസ് പറയുന്നു. പുസ്തക്തിന്റെ പേര് തീരുമാനിച്ചിട്ടില്ല.
https://www.facebook.com/Malayalivartha