നേപ്പാളില്‍ ശക്തമായ മഴയെ തുടര്‍ന്നുണ്ടായ മണ്ണിടിച്ചിലില്‍ പത്ത് പേര്‍ മരിച്ചു. മിയാഗദിയില്‍ ഏഴ് പേരും ജാര്‍കോട്ടില്‍ രണ്ട് പേരും സിന്ധുപാല്‍ചൗക്കില്‍ ഒരാളുമാണ് മരിച്ചത്. ഇതോടെ കഴിഞ്ഞ മൂന്ന് ദിവസത്തിനിടെ നേപ്പാളിലെ വിവിധയിടങ്ങളിലുണ്ടായ മണ്ണിടിച്ചിലില്‍ മരിച്ചവരുടെ എണ്ണം 54 ആയി. 39 പേരെ കാണാതായിട്ടുണ്ട്.

ഏതാനും ദിവസമായി നേപ്പാളിലെ 19 ജില്ലകളില്‍ ശക്തമായ മഴയാണ് അനുഭവപ്പെടുന്നത്. നാരായണി അടക്കമുള്ള നദികളില്‍ വെള്ളം പൊങ്ങി നിരവധി വീടികള്‍ ഒലിച്ചുപോയി. പടിഞ്ഞാറന്‍ നേപ്പാളിലേക്കുള്ള റോഡുകള്‍ മണ്ണിടിഞ്ഞ് തടസപ്പെട്ടു. ഇതുമൂലം രക്ഷാപ്രവര്‍ത്തനവും പ്രതിസന്ധിയിലായിരുന്നു