അമ്മയുടെ വിയോഗവർത്തയിൽ തകർന്ന മക്കൾക്ക് സംഭവിച്ചത് കണ്ട് ഞെട്ടിയിരിക്കുകയാണ് ഏവരും. സംസ്കരിക്കുന്നതിന് തൊട്ട് മുമ്പ് തന്റെ അമ്മ മരിച്ചിട്ടില്ലെന്ന് അറിഞ്ഞ് മകൾ സ്തബ്ധരായി. അർജന്റീനയിലാണ് സംഭവം നടന്നത്.  89–കാരിയായ അമ്മ അസുഖബാധിതയായി സ്വകാര്യ ആശുപത്രിയിൽ ചികിൽസയിൽ ന്കഴിയുകയായിരുന്നു. പിറ്റേ ദിവസം തന്നെ ഹൃദയാഘാതം മൂലം അമ്മ മരിച്ചുവെന്ന് ഡോക്ടർമാർ അറിയിച്ചു. പിന്നാലെ മരണ സർട്ടിഫിക്കറ്റ് നൽകുകയും ചെയ്തുവെന്ന് 54–കാരിയായ മകൾ പറയുകയുണ്ടായി.

ഇതേതുടർന്ന് മകൾ അമ്മയുടെ സംസ്കാര ചടങ്ങുകൾക്കായി ഒരുക്കം തുടങ്ങി. സംസ്കരിക്കാനായി ശ്മശാനത്തിലേക്ക് കൊണ്ടുപോകും വഴി അമ്മയിൽ നിന്ന് ചെറുതായി ശബ്ദം ഉയരുന്നത് മകൾ കേൾക്കാനിടയായി. ഇതോടെ വേഗം തന്നെ സംസ്കാര ചടങ്ങുകൾ നിർത്തിയെന്നാണ് ഡെയ്‍ലി മെയിൽ റിപ്പോര്‍ട്ട് ചെയ്യുന്നത്. അമ്മയെ ജീവനോടെ തിരികെ കിട്ടിയ സന്തോഷത്തിലാണ് ഇപ്പോൾ മകൾ. നിലവിൽ അമ്മ മറ്റൊരു സ്വകാര്യ ക്ലിനിക്കിൽ അതിതീവ്ര വിഭാഗത്തിൽ ചികിൽസയിൽ കഴിയുകയാണ്. മരിച്ചുവെന്ന് സ്ഥിരീകരിച്ച ആശുപത്രി അധികൃതർക്കെതിരെ പരാതിയും മകൾ‌ നൽകിയിട്ടുണ്ട്.