കോവിഡ് കാലത്തും വൻ ദൂർത്ത്; ആമസോൺ സ്ഥാപകന്റെ സ്വത്തില് വന് വര്ദ്ധനവ്, വ്യക്തിപരമായ ആവശ്യത്തിന് വാങ്ങിയത് 500 മില്യണ് ഡോളറിന്റെ ആഢംബര നൗക
ആമസോണിന്റെ സ്ഥാപകനും സിഇഒയുമായ ജെഫ് തന്റെ വ്യക്തിപരമായ ആവശ്യത്തിനുവേണ്ടി 500 മില്യണ് ഡോളര് വിലമതിക്കുന്ന നൗക വാങ്ങിയെന്ന് റിപ്പോർട്ടുകൾ. മള്ട്ടി-ബില്യണയര് അമേരിക്കന് വ്യവസായി ജെഫ് ബെസോസ് അടുത്തിടെയായി അത്യാധുനിക ആഡംബബര വസ്തുക്കളില് നിക്ഷേപം നടത്തുന്നതായും റിപ്പോർട്ടുകളിൽ ഉണ്ട്.
കോവിഡ് -19 തകര്ച്ചയ്ക്കിടയില് മോശം സാഹചര്യങ്ങളില് ആമസോണില് ജോലി ചെയ്യുന്നവരെയും നമ്മെയും കോടീശ്വരന്മാരുടെ ലോകം ചിന്താക്കുഴപ്പത്തിലാക്കിയേക്കാം. എന്നാൽ, ബെസോസിനെ സംബന്ധിച്ചിടത്തോളം 2020 ഏകദേശം 75 ബില്യണ് ഡോളര് ലാഭമുണ്ടാക്കിയ വർഷമായിരുന്നു അത്.
ബ്ലൂംബെര്ഗിന്റെ ഒരു റിപ്പോർട്ടിൽ പറയുന്നത്, ബെസോസ് തന്റെ വ്യക്തിഗത ആവശൃങ്ങള്ക്കായി Y721 എന്ന് കോഡില് വിളിക്കപ്പെടുന്ന ആഡംബബര യാച്ച് പ്രോജെക്ടില് നിക്ഷേപിച്ചിരിക്കുന്നു. ലോകമെമ്പാ ടുമുള്ള ശതകോടീശ്വരന്മാരുടെ ബോട്ട് നിര്മ്മാണത്തിന്റെ മെക്കാ എന്നറിയപ്പെടുന്ന നെതര്ലാന്ഡില് ഈ ആഡംബബര നൗകയുടെ നിര്മ്മാണം പുരോഗമിക്കുന്നുണ്ടെന്നാണ്.
127 മീറ്റര് നീളമുള്ള ഈ നൗകയില് നിരവധി ഡെക്കുകളും മൂന്ന് വലിയ മാസ്റ്റുകളും ഉള്പ്പെടും. നൗകയില് വലിയ കപ്പല്പായ് ഉള്ളതിനാല് ഹെലിപാഡ് ഉണ്ടായിരിക്കുകയില്ല, ഇതിന് പകരമായി ഹെലിപാഡ് ഉള്പ്പെടുന്ന ഒരു പ്രത്യേക സപ്പോര്ട്ട് യാട്ട് കൂടെയുണ്ട്.
അതേസമയം, പ്രതിവര്ഷം 200 ബില്യണ് ഡോളര് വരുമാനമുള്ള ബെസോസിന് ആഡംബബര നൗകയുടെ ചിലവുകള്ക്കായി വര്ഷം തോറും 50 മില്യണ് ഡോളര് ചിലവഴിക്കേണ്ടി വരും. നിലവില് ലോകത്തിലെ ഏറ്റവും വലുതും നൂതനസാങ്കേതിക വിദ്യ ഉപയോഗിച്ച് നിര്മിച്ച ബ്ലാക്ക് പേളിന് ശേഷം നിര്മിക്കുന്ന അത്യാധുനിക നൗകയായിരിക്കും ഇത്.
എന്നാൽ, Inequality.org യുടെ റിപ്പോര്ട്ട് അനുസരിച്ച്, 2020 മാര്ച്ച് 18 നും 2021 ഏപ്രില് 12 നും ഇടയില് അമേരിക്കന് ശതകോടീശ്വരന്മാരുടെ മൊത്തം സമ്ബത്ത് 1.62 ട്രില്യണ് അഥവാ 55% വര്ദ്ധിച്ചു, അതായത് 2.95 ട്രില്യണ് ഡോളറില് നിന്ന് 4.56 ട്രില്യണ് ഡോളറായി ഉയര്ന്നു.
ബെസോസിനെ സംബന്ധിച്ചിടത്തോളം, അദ്ദേഹത്തിന്റെ മൊത്തം ആസ്തി "197-ബില്യണായി' വര്ദ്ധിച്ചു, കഴിഞ്ഞ 13 മാസത്തെ അപേക്ഷിച്ച് 74 ശതമാനത്തിന്റെ വര്ധനവ്.
അദ്ദേഹം ഇപ്പോഴും തന്റെ മുന് ഭാര്യ മക്കെന്സി സ്കോട്ടുമായിട്ടുള്ള വിവാഹം ബന്ധം വേര്പെടുത്താതെയിരുന്നെങ്കില്, അവരുടെ മൂല്യം മറ്റൊരു 60 ബില്യണ് ഡോളര് കൂടി വര്ധിക്കുമായിരുന്നു, ഇത് ഈ ദമ്ബതികളുടെ ആസ്തി ക്വാര്ട്ടര് ട്രില്യണ് ഡോളറാക്കി മാറ്റിയേനേ, റിപ്പോര്ട്ടില് പരാമര്ശിക്കുന്നു.
Y721 എന്ന പ്രോജക്റ്റ് പേരില് നിര്മിക്കുന്ന യാച്ചിന് ഗിസയിലെ ഗ്രേറ്റ് പിരമിഡിന്റെ ഉയരത്തോളം നീളമുണ്ടായിരിക്കും, ഇതില് ഇന്-ഡെക്ക് സ്വിമ്മിംഗ് പൂള്, 'ആംബിയന്റ്' സിനിമ എന്നിവയുള്പ്പെടെ അത്യാധുനിക സൗകര്യങ്ങള് ഉള്പ്പെടുത്തുന്നതുമൂലം 500 മില്യണ് ഡോളറിന്റെ മതിപ്പുവിലയ്ക്ക് കരണവുമാകുന്നുണ്ട്.
https://www.facebook.com/Malayalivartha