ഹമാസിന്റെ ആക്രമണം തുടരുന്ന പശ്ചാത്തലത്തിൽ ഇസ്രായേലിൽ ഉള്ള പ്രവാസികൾക്ക് ജാഗ്രത നിർദ്ദേശവുമായി ഇന്ത്യൻ എംബസി . ഹമാസിന്റെ ആക്രമണം നടത്തുന്ന സ്ഥലങ്ങളിൽ പാർക്കുന്നവർ പ്രദേശിക ഭരണകൂടം നിർദ്ദേശിക്കുന്ന സുരക്ഷ മാനദണ്ഡങ്ങൾ പാലിക്കണമെന്നാണ് എംബസി അറിയിച്ചിരിക്കുന്നത്.

ട്വിറ്റെറിലൂടെയാണ് എംബസി ഇക്കാര്യം അറിയിച്ചിരിക്കുന്നത്. മലയാളം, ഇംഗ്ലീഷ്, തെലുങ്ക് കന്നഡാ ഭാക്ഷകളിലാണ് ജാഗ്രത നിർദേശ ഇന്ത്യൻ എംബസിയുടെ ട്വിറ്റർ അക്കൗണ്ടിൽ പങ്കുവെച്ചിരിക്കുന്നത്.

നിലവിലെ സാഹചര്യം അനുസരിച്ച് എല്ലാവരും പ്രദേശിക ഭരണകൂടം നൽകുന്ന നിർദ്ദേശങ്ങൾ പാലിക്കണമെന്നും അനാവശ്യമായി പുറത്ത് ഇറങ്ങി നടക്കരുത് എന്നും ഇന്ത്യൻ എംബസി മുന്നറിയിപ്പ് നൽകി . ഇസ്രായേൽ ഭരണകൂടം സൗകര്യപ്പെടുത്തി നൽകിയിരിക്കുന്ന സുരക്ഷിത കേന്ദ്രത്തിന്റെ സമീപത്ത് തന്നെ തമസിക്കണമെന്നാണ് എംബസിയുടെ നിർദ്ദേശം.

കഴിഞ്ഞ ദിവസം ഹമാസിന്റെ ആക്രമണത്തിൽ മലയാളി യുവതി കൊല്ലപ്പെട്ടിരുന്നു. ഇടുക്കി സ്വദേശിനിയായ സൗമ്യ സന്തോഷാണ് ഹമാസ് നടത്തിയ റോക്കറ്റ് ആക്രമണത്തിൽ കൊല്ലപ്പെട്ടത്.

മലയാളികളും ഇന്ത്യക്കാരുമായി നിരവധി പ്രവാസികൾ തമാസിക്കുന്ന അഷ്കലോണിലാണ് ഹമാസിന്റെ ആക്രമണം ഉണ്ടായത്. അരാജകത്വത്തിന് തക്കതായ മറുപടി നൽകുമെന്നാണ് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു.