കോവിഡ് മഹാമാരിയുടെ രണ്ടാം തരംഗം ഏറെ ആശങ്ക പടർത്തി രാജ്യത്തെ മുൾമുനയിൽ നിർത്തിയിരിക്കുകയാണ്. മാസ്ക്, സാനിറ്റൈസർ എന്നിവയുടെ ഉപയോഗത്തോടൊപ്പം സാമൂഹിക അകലം പാലിച്ചുമാണ് നാം കൊവിഡ്-19 വൈറസിനെ പ്രതിരോധിച്ചുകൊണ്ടിരിക്കുന്നത്.

ഇതിനോടൊപ്പം രാജ്യത്ത് മുഴുവനായി ആരംഭിച്ചിരിക്കുന്ന വാക്‌സിനേഷൻ പദ്ധതി ഈ വൈറസിനെ തുടച്ചു നീക്കും എന്ന പ്രതീക്ഷയിലുമാണ്. വാക്‌സിനേഷൻ പൂർണ തോതിൽ മുന്നേറുന്നുണ്ടെങ്കിലും പലർക്കും വാക്‌സിനുകളെപ്പറ്റിയുള്ള സംശയം ഇപ്പോഴും കൂടിവരികയാണ്.

ചിലർക്ക് വാക്‌സിന്റെ ഫലപ്രാപ്തിയെ സംബന്ധിച്ച സംശയങ്ങൾ ആണെങ്കിൽ ചിലർക്ക് വാക്‌സിൻ എടുത്താലുണ്ടാകുന്ന പാർശ്വഫലങ്ങളെപ്പറ്റിയാണ് പേടി.

ഇത്തരം പേടികൾ അസ്ഥാനത്താണ് എന്ന് ആരോഗ്യവിദഗ്ധർ പലതവണ വ്യക്തമാക്കിയിട്ടുണ്ടെങ്കിലും പലർക്കും ഇപ്പോഴും പേടി മാറിയിട്ടില്ല. ഫലമോ, പലരും വാക്‌സിൻ എടുക്കുന്നതിൽ നിന്നും വിമുഖത കാണിക്കുന്നു. ഇന്ത്യയിൽ മാത്രമല്ല ലോകമെമ്പാടും ഈ പ്രശ്നം നേരിടുന്നുണ്ട്.

അമേരിക്കയിലെ ഒരു ഡോക്ടർ ഇതിന് പരിഹാരം കണ്ടത് രസകരമാണ്. ഗെയ്ൽ ബുർസ്റ്റെയ്ന എന്ന് പേരുള്ള ഡോക്ടർ ജനങ്ങളെ വാക്‌സിനെനെടുക്കാൻ പ്രേരിപിപ്പിക്കുന്നത് സൗജനമായി ബീയർ തരാം എന്ന വാഗ്ദാനവുമായാണ്.

ഇരീ കൗണ്ടിയിലെ ബഫല്ലോ പാരമ്പര്യത്തിൽ വീര്യമേറിയ മദ്യം കഴിച്ചതിന് ശേഷം കെട്ടടങ്ങാൻ ബിയർ കഴിക്കും. ഇതേ രീതിയാണ് താൻ സൗജന്യമായി ബിയർ നൽകുമെന്ന ഓഫറിലൂടെ ഒരുക്കുന്നത് എന്ന് ഇരീ കൗണ്ടിയിലെ ഹെൽത്ത് കമ്മീഷണർ ആയ ഡോക്ടർ ഗെയ്ൽ ബുർസ്റ്റെയ്ന പറയുന്നു.

20നും 30 വയസ്സിനും ഇടയിൽ പ്രായമുള്ള പലർക്കുമാണ് വാക്‌സിൻ സ്വീകരിക്കുന്നതിൽ വിമുഖത. ബിയർ ഓഫർ അവതരിപ്പിച്ചതിന് ശേഷം ഇരീ കൗണ്ടിയിലെ ഈ പ്രായക്കാർ വാക്‌സിൻ സ്വീകരിക്കാൻ താല്പര്യം കാണിക്കുന്നുണ്ട് എന്നാണ് ഡോക്ടർ ഗെയ്ൽ ബുർസ്റ്റെയ്ന സ്ലേറ്റ് പത്രത്തോട് പറഞ്ഞത്.

ഇന്ത്യൻ ഗ്രിൽ റൂം എന്ന് പേരുള്ള ഗുർഗാവിലെ ഒരു പബ്ബും അടുത്തിടെ സൗജന്യ ബിയർ പ്രഖ്യാപിച്ചിരുന്നു. കോവിഡ്-19 വൈറസ്സിനെതിരായ വാക്‌സിൻ സ്വീകരിച്ച സർട്ടിഫിക്കറ്റ് കാണിച്ചാൽ ഒരു ഗ്ലാസ് ബിയർ തികച്ചും സൗജന്യം എന്നായിരുന്നു ഓഫർ.

ഏപ്രിൽ മാസത്തേക്കായിരുന്നു ഓഫർ. ഗുജറാത്തിലെ രാജ്കോട്ടിൽ വാക്‌സിൻ സ്വീകരിക്കുന്ന സ്ത്രീകൾക്ക് സ്വർണ മൂക്കുത്തിയും പുരുഷന്മാർക്ക് ഹാൻഡ് ബ്ലൻഡറും അടുത്തിടെ ഒരു തട്ടാൻ പ്രഖ്യാപിച്ചിരിക്കുന്നു.