അഫ്ഗാനിസ്താനിലെ കിഴക്കന്‍ ലോഗര്‍ പ്രവിശ്യയില്‍ നടത്തിയ വ്യോമാക്രമണത്തില്‍ 12 തീവ്രവാദികളെ വധിച്ചു. അസ്ര ജില്ലയിലെ താലിബാന്‍ ഒളിത്താവളത്തിലാണ് യുദ്ധവിമാനങ്ങള്‍ ആക്രമണം നടത്തിയത്.

സായുധരായ 12 തീവ്രവാദികള്‍ സംഭവ സ്ഥലത്ത് വെച്ച്‌ കൊല്ലപ്പെട്ടതായും മൂന്നു പേര്‍ക്ക് പരിക്കേറ്റതായും അഫ്ഗാന്‍ അധികൃതര്‍ അറിയിച്ചു.വ്യോമാക്രമണത്തില്‍ ഏഴ് ഇരുചക്ര വാഹനങ്ങളും ആന്‍റി എയര്‍ക്രാഫ്റ്റ് ഗണ്‍ ഉള്‍പ്പെടെ ആയുധങ്ങളും വെടിക്കോപ്പുകളും സേന നശിപ്പിച്ചു.

യു.എസ് നേതൃത്വം നല്‍കുന്ന സഖ്യസേന മെയ് ഒന്നിന് പിന്മാറ്റം പ്രഖ്യാപിച്ചതിന് പിന്നാലെ അഫ്ഗാനിസ്താനില്‍ താലിബാന്‍ പ്രവര്‍ത്തനങ്ങള്‍ ശക്തമാക്കിയിട്ടുണ്ട്. ലോഗര്‍ പ്രവിശ്യയുടെ ചില മേഖലകളില്‍ താലിബാന്‍ സജീവമാണ്.