വർഷങ്ങൾക്ക് ശേഷം കാണാതായ ഒരാളുടെ മൃതദേഹം കണ്ടെത്തിയാൽ എന്തായിരിക്കും അവസ്ഥ. അത്തരത്തിലൊരു സംഭവമാണ് ആസ്​ട്രേലിയയിൽ നടന്നിരിക്കുന്നത്. വീട്ടിൽ കവർച്ചക്കെത്തിയയാളെ കൊലപ്പെടുത്തി മൃതദേഹം വീട്ടിനുള്ളിൽ സൂക്ഷിച്ചത്​ 15 വർഷം. മൃതദേഹത്തി​െൻറ മണം മറക്കാനായി ഉപയോഗിച്ചത്​ 70ഒാളം എയർ ഫ്രഷ്​നറുകളും.

വർഷങ്ങൾക്ക്​ മുമ്പ്​ നടന്ന സംഭവത്തിന്റെ റിപ്പോർട്ടുകൾ ഇപ്പോഴാണ്​ പുറത്തുവന്നത്​. സിഡ്​നി സ്വദേശിയായ ബ്രൂസ്​ റോബർട്ട്​സ്​ ആണ്​ കൊലപാതകത്തിന്​ പിന്നിൽ. കവർച്ചക്കാരനായ ഷെയ്​ൻ സ്​നെൽമാനാണ്​ കൊല്ലപ്പെട്ടത്​. 2002ൽ വീട്ടിൽ കവർച്ചെത്തിയ സ്​നെൽമാനെ ​റോബർട്ട്​ കൊലപ്പെടുത്തുകയായിരുന്നു. കൊലപാതകത്തിന്​ ശേഷം മൃതദേഹം വീട്ടിനുള്ളിൽ സൂക്ഷിക്കുകയും ചെയ്​തു.

2017ൽ ആരോഗ്യ പ്രശ്​നങ്ങളെ തുടർന്ന്​ റോബർട്ട്​ മരണ​പ്പെട്ടു. റോബർട്ട്​ മരിച്ച്​ ഒരു വർഷം പിന്നിട്ടിട്ടും സ്​നെൽമാ​െൻറ മരണത്തെക്കുറിച്ച്​ യാതൊരു വിവരവും പുറത്തുവന്നിരുന്നില്ല. 2018ൽ വീട്​ ശുചിയാക്കുന്നതിനിടെയാണ്​ സ്​​നെൽമാ​െൻറ മൃതദേഹം കണ്ടെത്തുന്നത്​. മാലിന്യകൂമ്പാരങ്ങൾക്കിടയിലായിരുന്നു മൃതദേഹം.

മൃതദേഹത്തിന്​ ചുറ്റും 70ഒാളം എയർഫ്രഷ്​നറി​െൻറ കുപ്പികളും ക​ണ്ടെടുത്തതായി കോടതിയെ അറിയിച്ചു. അധികമാരോടും അടുത്തിടപഴകാത്ത വ്യക്തിയാണ്​ റോബർട്ട്​. ഇയാളുടെ വീട്ടിൽനിന്ന്​ നിരവധി തോക്കുകളും പൊലീസ്​ കണ്ടെത്തി.