വിവാഹം കഴിക്കാന് വിസമ്മതിച്ച യുവസംവിധായകനെ മാതാപിതാക്കള് കൊലപ്പെടുത്തി
വിവാഹം കഴിക്കാന് വിസമ്മതിച്ച യുവസംവിധായകനെ ക്രൂരമായി കൊലപ്പെടുത്തി മാതാപിതാക്കള്. ഇറാനിലാണ് സംഭവം. ബാബക് ഖൊരാമ്ദിന് എന്ന യുവ സംവിധായകനെയാണ് കൊലപ്പെടുത്തിയത്. സ്വന്തം പിതാവ് തന്നെയാണ് ഇയാളെ കൊന്നത്. മാതാവ് കൊലപാതകത്തിന് കൂട്ട് നില്ക്കുകയും ചെയ്തു. കൊലപാതകത്തിന് ശേഷം മൃതദേഹം വെട്ടിമുറിച്ച് സ്യൂട്ട് കേസിലാക്കി വലിച്ചെറിഞ്ഞു. മൃതദേഹം നശിപ്പിക്കാന് സഹായിച്ചത് മാതാവാണ്.
അടുത്തിടെയാണ് ഖൊരാമ്ദിന് ലണ്ടനില് നിന്ന് ഇറാനിലെ വീട്ടിലെത്തിയത്. ടെഹ്റാന് യൂണിവേഴ്സിറ്റിയില് നിന്ന് സിനിമയില് ഉന്നത വിദ്യാഭ്യാസം പൂര്ത്തിയാക്കി ലണ്ടനില് ജോലി ചെയ്യുകയായിരുന്നു ഖൊരാദ്മിന്. മകന് വിവാഹം കഴിക്കാത്തതില് മാതാപിതാക്കള്ക്ക് എതിര്പ്പുണ്ടായിരുന്നു. വിവാഹത്തിന് നിരന്തരം ഇവര് മകനെ നിര്ബന്ധിക്കുകയും ചെയ്തിരുന്നു. എത്ര പറഞ്ഞിട്ടും മകന് വിവാഹം കഴിക്കാന് തയ്യാറാകാത്തതിനെ തുടര്ന്നുണ്ടായ തര്ക്കമാണ് കൊലപാതകത്തില് കലാശിച്ചത്. കൊലപാതകത്തിന് മുന്പ് പിതാവ് ഖൊരാദ്മിന് മയക്കു മരുന്ന് നല്കിയിരുന്നു. മകനെ കൊലപ്പെടുത്തിയത് താനാണെന്ന് പിതാവ് കുറ്റസമ്മതം നടത്തിയതായി പോലീസ് വെളിപ്പെടുത്തി.
https://www.facebook.com/Malayalivartha
