ഇമ്രാന് ഖാന് കാലാവധി പൂർത്തിയാക്കുമ്പോഴേക്കും പാകിസ്താന് ദരിദ്ര രാജ്യമാകുമെന്ന് പീപ്പിള്സ് പാര്ട്ടി ചെയര്മാന്
ഇമ്രാന് ഖാന് പ്രധാനമന്ത്രി പദത്തില് കാലാവധി പൂർത്തിയാക്കുമ്പോഴേക്കും പാകിസ്താന് ദരിദ്ര രാജ്യമാകുമെന്ന് പാകിസ്താന് പീപ്പിള്സ് പാര്ട്ടി ചെയര്മാന് ബിലാവല് ഭൂട്ടോ സര്ദാരി. കൊറോണ മഹാമാരി വരും മുന്പ് തന്നെ പ്രധാനമന്ത്രി രാജ്യത്തിന്റെ സമ്പത്ത് വ്യവസ്ഥയെ തകര്ത്തിരുന്നുവെന്നും ബിലാവല് ഭൂട്ടോ പ്രസ്താവനയില് പറഞ്ഞു.
നിലവിലെ സര്ക്കാര് കാരണം ഭാവി സര്ക്കാരുകള് പോലും പതിറ്റാണ്ടുകളായി ദുരിതമനുഭവിക്കും. ആരും ഗൗരവമായി കാണാത്ത പാകിസ്ഥാനെ എങ്ങനെ നയിക്കാമെന്ന് ബിലാവല് ഭൂട്ടോ പറഞ്ഞു. ചാരിറ്റബിള് ഓര്ഗനൈസേഷന്റെ മാതൃകയില് രാജ്യം ഭരിക്കാനുള്ള ഇമ്രാന് ഖാന്റെ പരീക്ഷണമാണ് പരാജയപ്പെട്ടത്.
സ്വാതന്ത്ര്യലബ്ധിക്കുശേഷം എല്ലാവരും ചെയ്തതിനേക്കാള് കൂടുതല് നാശനഷ്ടങ്ങളാണ് ഇമ്രാന് ഖാന് പാകിസ്താന് നല്കിയതെന്നും ബിലാവല് ഭൂട്ടോ കൂട്ടിച്ചേര്ത്തു.
പര്വേസ് മുഷറഫിനെപ്പോലെ പണം കൊള്ളയടിച്ച ശേഷം ഇമ്രാന് ഖാനും അനുയായികളും ലണ്ടനിലേക്ക് കടക്കും. പാകിസ്താന് തെഹ്രീക് ഇന് ഇന്സാഫ് ചെയ്ത ഏറ്റവും വലിയ കുറ്റകൃത്യം രാജ്യത്തെ യുവാക്കളുടെ പ്രതീക്ഷകള് അവസാനിപ്പിച്ചതാണെന്നും ബിലാവല് ഭൂട്ടോ കുറ്റപ്പെടുത്തി.
https://www.facebook.com/Malayalivartha
