ഒടുവിൽ റഷ്യ യുമായി സഹകരിച്ച് ഇന്ത്യയുടെ അതിനിർണായക നീക്കം... വാക്സിൻ രംഗത്തു് പുതിയ നീക്കവുമായി ഇന്ത്യ. സ്പുട്നിക് വി വാക്സിൻ പ്രാദേശികമായി നിർമിക്കാനുള്ള സാങ്കേതികവിദ്യ ഇന്ത്യയ്ക്ക് കൈമാറാൻ ഒരുങ്ങി റഷ്യ. വാക്സിൻ ഡോസുകളുടെ ആവശ്യകത ഉയരുന്ന സാഹചര്യത്തിലാണ് പുതിയ തീരുമാനം ഇന്ത്യ കൈക്കൊണ്ടിരിക്കുന്നത്.

ഓഗസ്റ്റ് മുതൽ വാക്സിൻ ഇന്ത്യയിൽ ഉത്പാദനം ആരംഭിക്കുമെന്ന് റഷ്യയിലെ ഇന്ത്യൻ പ്രതിനിധി ഡി.ബി വെങ്കടേഷ് വർമ്മ വ്യക്തമാക്കിയിരിക്കുകയാണ്. ലോകത്തെ മൊത്തം സ്പുട്നിക് വി വാക്സിനുകളിൽ 65-70% ഇന്ത്യയിലാണ് നിർമ്മിക്കുന്നത്. മെയ് അവസാനത്തോടെ 30 ലക്ഷത്തിലധികം ഡോസുകൾ വിതരണം ചെയ്യും. ജൂണിൽ ഇത് 50 ലക്ഷമായി ഉയർത്തുമെന്നും അദ്ദേഹം വ്യക്തമാക്കിയിരിക്കുന്നു.

തുടക്കത്തിൽ 85 കോടി ഡോസ് വാക്സിൻ ഇന്ത്യയിൽ ഉത്പാദിപ്പിക്കാനാണ് പദ്ധതിയെന്ന് വർമ്മ പറയുകയും ചെയ്തു. റഷ്യൻ വാക്സിൻ നിർമ്മാതാക്കൾ ഇന്ത്യയിലെ ഡോ. റെഡ്ഡീസ് ലാബുമായി സഹകരിച്ച് ഇതിനകം രണ്ട് ലക്ഷത്തിലധികം ഡോസുകൾ ഇന്ത്യയ്ക്ക് നൽകി കഴിഞ്ഞിരിക്കുകയാണ്.