ആശങ്ക ഉണർത്തി ആഗോളതലത്തില്‍ കൊവിഡ് ബാധിതരുടെ എണ്ണം പതിനാറ് കോടി എഴുപത് ലക്ഷം കടന്നതായി റിപ്പോർട്ട്. വേള്‍ഡോമീറ്ററിന്റെ കണക്കുപ്രകാരം കഴിഞ്ഞ 24 മണിക്കൂറിനിടെ അഞ്ചര ലക്ഷത്തിലധികം പേര്‍ക്കാണ് നിലവിൽ കൊറോണ വൈറസ് രോഗം റിപ്പോര്‍ട്ട് ചെയ്തിരിക്കുന്നത്. ഇന്നലെ മാത്രം പതിനായിരത്തില്‍ കൂടുതല്‍ പേര്‍ കോവിഡ് ബാധിച്ചു മരിക്കുകയുണ്ടായി. ഇതോടെ ആകെ മരണം 34.68 ലക്ഷമായി ഉയര്‍ന്നിരിക്കുന്നു. നിലവില്‍ ഒന്നര കോടിയിലധികം പേര്‍ കോവിഡ് ചികിത്സയിൽ കഴിയുന്നത്.

അതോടൊപ്പം തന്നെ ഇന്ത്യയില്‍ കഴിഞ്ഞ ദിവസം രണ്ടര ലക്ഷത്തിലധികം കോവിഡ് കേസുകളാണ് റിപ്പോര്‍ട്ട് ചെയ്തിരിക്കുന്നത്. പുതിയ കേസുകളില്‍ 78.12 ശതമാനവും കേരളമുള്‍പ്പടെയുള്ള പത്ത് സംസ്ഥാനങ്ങളില്‍ നിന്നാണ് എന്നാണ് കണക്ക്. ഇതുകൂടാതെ നിലവില്‍ 29 ലക്ഷം പേരാണ് കോവിഡ് ചികിത്സയിൽ കഴിയുന്നത്. പ്രതിദിന മരണം ഇന്നലെയും നാലായിരം കടന്നിരിക്കുന്നു. 87.76 ശതമാനമാണ് രാജ്യത്തെ രോഗമുക്തി നിരക്ക് ഉള്ളത്.

അതേസമയം കൊറോണ വൈറസ് രോഗബാധിതരുടെ എണ്ണത്തില്‍ ഒന്നാം സ്ഥാനത്ത് അമേരിക്കയാണ് ഉള്ളത്. യുഎസില്‍ മൂന്ന് കോടി മുപ്പത്തിയെട്ട് ലക്ഷം പേര്‍ക്കാണ് കൊറോണ വൈറസ് രോഗം സ്ഥിരീകരിച്ചിരിക്കുന്നത്. കൂടാതെ മരണസംഖ്യ 603,864 ആയി ഉയര്‍ന്നു. ബ്രസീല്‍(1.64 കോടി രോഗബാധിതര്‍), ഫ്രാന്‍സ്(55 ലക്ഷം രോഗബാധിതര്‍), തുര്‍ക്കി(51 ലക്ഷം രോഗബാധിതര്‍), റഷ്യ(49 ലക്ഷം കൊവിഡ് ബാധിതര്‍), എന്നീ രാജ്യങ്ങളിലും സ്ഥിതി ഗുരുതരമായി തുടരുകയാണ് ചെയ്യുന്നത്.

ഇന്ത്യയിൽ ഇന്ന് രാവിലെ 2,40,842 പുതിയ കൊവിഡ് കേസുകൾ സ്ഥിരീകരിച്ചതായി റിപ്പോർട്ട്. ഇതോടെ രാജ്യത്ത് ഇതുവരെ സ്ഥിരീകരിച്ച കൊവിഡ് കേസുകളുടെ എണ്ണം 2.65 കോടിയായി ഉയർന്നിരിക്കുകയാണ്. കഴിഞ്ഞ 24 മണിക്കൂറിൽ 3741 കൊവിഡ് മരണങ്ങളാണ് രാജ്യത്ത് സ്ഥിരീകരിച്ചത്. രാജ്യത്തെ ആകെ കൊവിഡ് മരണങ്ങൾ 3 ലക്ഷത്തിലേക്ക് അടുക്കുകയാണ്.