ഇന്ത്യ- ഇസ്രായേല് ബന്ധം കൂടുതല് ശക്തമാകുന്നു; വിവിധ പദ്ധതികള്ക്കായുള്ള കരാറില് ഒപ്പ് വച്ച് ഇരു രാജ്യങ്ങളും
കാര്ഷിക മേഖലയില് പരസ്പര സഹകരണം കൂടുതല് മെച്ചപ്പെടുത്താനൊരുങ്ങി ഇന്ത്യയും ഇസ്രയേലും. ഇതിന്റെ ഭാഗമായി വിവിധ പദ്ധതികള്ക്കായുള്ള കരാറില് ഇരു രാജ്യങ്ങളും ഇന്ന് ഒപ്പുവെച്ചു. ഇസ്രായേല് വിദേശകാര്യ മന്ത്രാലയവും കേന്ദ്ര കാര്ഷിക മന്ത്രാലയവും ചേര്ന്ന് നടപ്പാക്കുന്ന പദ്ധതിയില് കാര്ഷിക ഗവേഷണ കേന്ദ്രങ്ങള് ഉള്പ്പെടെ ഇന്ത്യയില് സ്ഥാപിക്കും. വിവിധ സംസ്ഥാനങ്ങളില് 29 ഓളം കേന്ദ്രങ്ങള് സ്ഥാപിക്കും.
ഇത്തരത്തിലുള്ള കാര്ഷിക ഗവേഷണ കേന്ദ്രങ്ങള് വഴി പുതിയ കൃഷി രീതികളെ കുറിച്ച് അറിയാന് കര്ഷകര്ക്ക് സാധിക്കും. ഈ കേന്ദ്രങ്ങള് വഴി പുത്തന് സാങ്കേതിക വിദ്യകള് ഉപയോഗിക്കുന്നതിനും പുത്തന് കൃഷി രീതികള് പ്രായോഗികമാക്കുന്നതിനും ആവശ്യമായ പരിശീലനങ്ങളും നല്കും. കൃഷിക്കാവശ്യമായ വിത്തുകളും, ചെടികളും ഇത്തരം കേന്ദ്രങ്ങളില് ഉത്പാദിപ്പിക്കും.
ഈ പദ്ധതികള് പ്രാവര്ത്തികമാകുന്നതോട് കൂടി കാര്ഷിക മേഖല കൂടുതല് മികച്ചതാകുമെന്നും, കര്ഷകര്ക്ക് കൂടുതല് വരുമാനം ലഭിക്കുമെന്നുമാണ് വിലയിരുത്തല്. എന്തിരുന്നാലും ഈ കരാറുകളിലൂടെ ഇന്ത്യയും ഇസ്രയേലും തമ്മിലുള്ള ബന്ധം കൂടുതല് ശക്തമാകും.
https://www.facebook.com/Malayalivartha
