ഗ്രീസില് കാട്ടുതീ പടരുന്നു; മരണപെട്ടവര്ക്ക് അനുശോചനം രേഖപ്പെടുത്തി ഒമാന് വിദേശകാര്യ മന്ത്രാലയം
ഗ്രീസില് കാട്ടു തീയില് മരണപ്പെട്ടവര്ക്ക് ഒമാന് വിദേശകാര്യ മന്ത്രാലയം അനുശോചനം അറിയിച്ചു. ഒമാനുമായി വളരെയധികം സൗഹൃദ ബന്ധം പുലര്ത്തുന്ന ഗ്രീസില് പടരുന്ന കാട്ടുതീയില് ജീവന് നഷ്ട്ടപെട്ടവരുടെ കുടുംബാംഗങ്ങളോട്
അനുശോചനവും സഹതാപവും അറിയിക്കുന്നതിനോടൊപ്പം പരിക്കേറ്റ് ചികിത്സയില് കഴിയുന്നവര്ക്ക് വേഗം സുഖം പ്രാപിക്കാന് ആശംസിക്കുന്നതായും ഒമാന് വിദേശകാര്യ മന്ത്രാലയം പുറത്തിറക്കിയ പ്രസ്താവനയില് പറയുന്നു.
അതേസമയം ഗ്രീസില് കാട്ടുതീ പടര്ന്നു പിടിക്കുകയാണ്. 24 മണിക്കൂറിനിടെ 81 ഇടത്ത് പുതിയതായി കാട്ടുതീ റിപ്പോര്ട്ട് ചെയ്തു. ഉയര്ന്ന താപനിലയും കാറ്റും തീ കൂടുതല് ഇടങ്ങളിലേക്ക് പടരാന് കാരണമായി. ഏതന്സ് ഏതാണ്ട് പൂര്ണമായും പുകമൂടിയ അവസ്ഥയിലാണ്.
തുര്ക്കിയിലും കലിഫോര്ണിയയിലും ദിവസങ്ങളായി കാട്ടുതീ പടര്ന്നു പിടിക്കുകയാണ്. എട്ടു ദിവസമായി തുടരുന്ന ദുരന്തം നേരിടുന്നതില് എര്ദോഗന് സര്ക്കാര് പരാജയപ്പെട്ടെന്ന് ആരോപിച്ച് തുര്ക്കിയില് പ്രതിഷേധവും ഉയരുന്നുണ്ട്.
https://www.facebook.com/Malayalivartha
