ഉക്രൈനിൽ നിന്ന് ആളുകളെ ഉടനടി പലായനം ചെയ്യാൻ സഹായിക്കുന്നതിന് കാനഡ-ഉക്രെയ്ൻ അടിയന്തര യാത്രയ്ക്കുള്ള അംഗീകാരം ആരംഭിക്കുന്നതായി കാനഡ പ്രഖ്യാപിച്ചു. കനേഡിയൻ പ്രധാനമന്ത്രി ജസ്റ്റിൻ ട്രൂഡോ തന്റെ ട്വീറ്റ് വഴി ഈ സഹായത്തിന്റെ വിശദാംശങ്ങൾ പ്രഖ്യാപിച്ചു .
സുരക്ഷിതമായ താമസസ്ഥലം തേടുന്ന ഉക്രേനിയക്കാർക്കുള്ള താത്കാലിക താമസസൗകര്യം ഇതുവഴി ലഭിക്കും . ഉക്രേനിയക്കാർക്കും അവരുടെ അടുത്ത കുടുംബാംഗങ്ങൾക്കും മൂന്ന് വർഷം വരെ കാനഡയിൽ താൽക്കാലിക താമസക്കാരായി തുടരാം. കാനഡയിലുള്ള സന്ദർശകർക്കും ഇത് ലഭ്യമാകും. ഇവരുടെ സന്ദർശക പദവിയോ വർക്ക് പെർമിറ്റോ മൂന്ന് വർഷം വരെ നീട്ടുന്നതിന് അപേക്ഷിക്കാം - അല്ലെങ്കിൽ പുതിയ ജോലിക്കോ പഠനാനുമതിക്കോ അപേക്ഷിക്കാം. ഈ അപേക്ഷകൾക്ക് എല്ലാ സാധാരണ ഫീസും ഒഴിവാക്കപ്പെടും.

ഉക്രൈനിൽ നിന്ന് വരുന്നവർക്ക് ജോലി നൽകി സഹായിക്കാൻ കഴിയുന്ന തൊഴിലുടമകളോട് ജോബ് ബാങ്കിന്റെ ജോബ്സ് ഫോർ യുക്രെയ്ൻ വെബ്‌പേജിൽ തൊഴിൽ വാഗ്ദാനം പത്രക്കുറിപ്പിൽ അഭ്യർത്ഥിച്ചിട്ടുണ്ട്. ഉക്രേനിയക്കാരുമായി അവരെ ബന്ധിപ്പിക്കാൻ സഹായിക്കുന്നതിന് ജോബ് ബാങ്ക് പ്രാദേശിക സംഘടനകളുമായും തൊഴിലുടമകളുമായും പ്രവർത്തിക്കുമെന്നും അറിയിച്ചിട്ടുണ്ട്. ബിസിനസ്സ് കമ്മ്യൂണിറ്റി, സെറ്റിൽമെന്റ് ഓർഗനൈസേഷനുകൾ എന്നിവയുൾപ്പെടെയുള്ള പങ്കാളികളുമായും കാനഡ ഗവൺമെന്റ് ഉക്രെയ്നിൽ നിന്ന് എത്തുന്നവരെ കൂടുതൽ സഹായിക്കുന്നതിന് ചർച്ചകൾ നടത്തിവരികയാണ്.