ചൈന ഒരു ആഗോള ഭീഷണിയായി മാറിക്കൊണ്ടിരിക്കുകയാണ്.രഹസ്യമായി ചൈന ചെയ്യുന്നതെന്തല്ലാമാണെന്ന് ആര്‍ക്കും മനസ്സിലാകുന്നില്ല. ലോകത്തിനു ഭീഷണിയാകുന്ന പല ആയുധങ്ങളും ചൈന നിര്‍മ്മിച്ചിട്ടുണ്ടെന്നാണ് പുറത്തു വരുന്ന റിപ്പോര്‍ട്ടുകള്‍. അവയില്‍ പലതും മനുഷ്യര്‍ക്ക് നേരെ പ്രയോഗിക്കുന്നതല്ല. മറിച്ച് പ്രപഞ്ചത്തെ തന്നെ ആക്രമിക്കാന്‍ ശേഷിയുള്ളതാണ്. ഇപ്പോള്‍ ചൈനയുടെ സൈനിക രംഗത്തെ അക്രമവാസനകളെ തുറന്നുകാട്ടി തായ് വാന്‍ രംഗത്തെത്തിയിരിക്കുകയാണ്.

ചൈന ഉപഗ്രഹങ്ങളെ ആക്രമിക്കാന്‍ തയ്യാറെടുക്കുകയാണെന്നാണ് തായ് വാന്‍ പറയുന്നത്.അവര്‍ തയ്യാറാക്കിയിരിക്കുന്ന ലേസര്‍ ആയുധങ്ങളെ കരുതിയിരിക്കാനാണ് ലോകരാഷ്ട്ര ങ്ങള്‍ക്ക് തായ് വാന്‍ നല്‍കുന്ന മുന്നറിയിപ്പ്. ഉപഗ്രങ്ങളെ തകര്‍ക്കാന്‍ ശേഷിയുള്ള ലേസര്‍ ആയുധങ്ങള്‍ നിര്‍മ്മിച്ചാണ് ചൈന പ്രതിരോധം ശക്തിപ്പെടുത്തിയിട്ടുള്ളതെന്നാണ് തായ്വാന്റെ കണ്ടെത്തല്‍.ശക്തമായ തരംഗമുണ്ടാക്കുന്ന ലേസര്‍ ആയുധങ്ങളാണ് ചൈന വികസിപ്പിച്ചിട്ടുള്ളത്.

5 മെഗാവാട്ട് ഇലട്രോ മാഗ്നറ്റിക് തരംഗം പുറപ്പെടുവിക്കുന്നവയാണ് ഈ ആയുധങ്ങള്‍. നിലവില്‍ പൊതു-സൈനിക ആവശ്യങ്ങള്‍ക്കായി ഉപയോഗിച്ചുകൊണ്ടിരിക്കുന്ന ഇലക്ട്രോമാഗ്‌നറ്റിക് സംവിധാനങ്ങളെ രൂപഭേദം വരുത്തിയാണ് നശീകരണ ശേഷിയുള്ളവയാക്കി നിര്‍മ്മിച്ചിരിക്കുന്നത്.ഇത് മൈക്രോവേവ് യന്ത്രം അല്ലങ്കില്‍ റിലേറ്റിവിസ്റ്റിക് ക്ലിസ്‌ട്രോണ്‍ ആംപ്ലിഫയര്‍ എന്നാണ് അറിയപ്പെടുന്നത്.

ഈ സംവിധാനമാണ് ഉപഗ്രഹങ്ങളെ ചലനരഹിതമാക്കാന്‍ ശേഷിയുള്ളത്.ഭൂമിയില്‍ നിന്ന് ഉപഗ്രഹങ്ങളെ ലക്ഷ്യം വയ്ക്കാന്‍ ശേഷിയില്ലാത്തതിനാല്‍ ഉപഗ്രഹ സഹായത്താല്‍ ബഹിരാകാശത്തേക്ക് ആയുധം എത്തിച്ച് വിവിധ മേഖലകളില്‍ സ്ഥാപിക്കാനാണ് ചൈനയുടെ നീക്കം. അപകടകരമായ ആയുധം ബഹിരാകാശത്ത് എത്തിയാല്‍ എല്ലാ രാജ്യങ്ങളുടെയും പ്രതിരോധ ഉപഗ്രഹങ്ങള്‍ക്ക് ചൈന ഭീഷണിയായിരിക്കുമെന്നും തായ്വാന്‍ മുന്നറിയിപ്പ് നല്‍കുന്നു.