ശ്രീലങ്കയിൽ ക്ഷാമം അതിരൂക്ഷമാകുകയാണ്. 25.7 ശതമാനമാണ് വിലക്കയറ്റം രേഖപ്പെടുത്തിയിരിക്കുന്നത്. ഏഷ്യയിലെ തന്നെ ഏറ്റവും ഉയർന്ന നിരക്കാണ് ഇത് എന്നാണ് റിപ്പോർട്ടുകൾ ചൂണ്ടിക്കാണിക്കുന്നത്. ഭക്ഷ്യവസ്തുക്കളുടെ വില കുത്തനെ ഉയർന്നത് സാധാരണ ജനജീവിതത്തെ സാരമായി ബാധിച്ചിരിക്കുകയാണ്. പെട്രോളിനും മണ്ണെണ്ണയ്ക്കുമായി ക്യൂവിൽ നിന്ന രണ്ട് പേർ കുഴഞ്ഞുവീണ് മരിക്കുകയുണ്ടായി.

എഴുപത്തിയൊന്നുകാരനായ ഓട്ടോറിക്ഷാ ഡ്രൈവറും എഴുപത്തിരണ്ടു വയസുള്ളയാളുമാണ് ക്യൂവിൽ നിന്ന് മരിച്ചത്. എഴുപത്തിയൊന്നുകാരന് ഹൃദ്രോഗവും പ്രമേഹവും ഉണ്ടായിരുന്നു. നാല് മണിക്കൂറോളമാണ് വയോധികർ ക്യൂവിൽ നിന്നത് എന്നാണ് അറിയാൻ കഴിയുന്നത്.

പാചകവാതക വില ഇനിയും ഉയരുമെന്ന ആശങ്കമൂലം ആളുകൾ മണ്ണെണ്ണ കൂടുതലായി വാങ്ങിത്തുടങ്ങിയിരിക്കുകയാണ്. പാചകവാതക സിലിണ്ടറിന് 1359 രൂപയാണ് (372 ഇന്ത്യൻ രൂപ) കൂട്ടിയിരിക്കുന്നത്. നിലവിൽ അഞ്ച് മണിക്കൂറോളമാണ് ഇവിടെ പവർകട്ട് ഉള്ളത്. ഇതുമൂലം ഡീസൽ ജനറേറ്ററുകളുടെ ഉപയോഗം കൂടിയതും പ്രശ്നമായി മാറിയിട്ടുണ്ട്.

ഇതുകൂടാതെ ഭക്ഷ്യവസ്തുക്കളുടെ വിലയും കുത്തനെ ഉയർന്നിരിക്കുകയാണ്. 25.7 ശതമാനമാണ് വിലക്കയറ്റം എന്നത്. ഏഷ്യയിലെ ഏറ്റവും ഉയർന്ന നിരക്കാണിത് എന്നാണ് അറിയാൻ കഴിയുന്നത്. അതേസമയം ശ്രീലങ്കൻ രൂപയുടെ മൂല്യം 30% കുറഞ്ഞിരിക്കുകയാണ്. ഡോളറിന് 275 രൂപ നൽകണം. 400 ഗ്രാം പാൽപ്പൊടിക്ക് 250 രൂപയാണ് വിലയാണ് (ഇന്ത്യയിലെ 68 രൂപ) ഇതോടെ ഹോട്ടലുകളിൽ ഒരു കപ്പ് ചായയ്ക്ക് 100 രൂപയായി(27 ഇന്ത്യൻ രൂപ) മാറിയിട്ടുണ്ട്.

അതോടൊപ്പം തന്നെ, രാജ്യത്തെ ഇന്ധനം കുതിച്ച് റെക്കോര്‍ഡ് തലത്തില്‍ എത്തിയിരിക്കുകയാണ്. പെട്രോളിനുവേണ്ടി നാല് ആഴ്ച്ചകളോളം ജനങ്ങള്‍ പമ്പുകളില്‍ ക്യൂ നില്‍ക്കുകയാണ് എന്നാണ് ലഭ്യമാകുന്ന വിവരം. ഇന്ധന റിഫൈനറിയിലെ എല്ലാ പ്രവര്‍ത്തനങ്ങളും ശ്രീലങ്ക ഇതിനോടകം തന്നെ റദ്ദാക്കിയിരിക്കുകയാണ്.

ക്രൂഡോയില്‍ സ്‌റ്റോക്ക് തീര്‍ന്നതിനെ തുടര്‍ന്നാണ് പ്രവര്‍ത്തനം അവസാനിപ്പിച്ചതെന്ന് പെട്രോളിയം തൊഴിലാളികളുടെ യൂണിയന്‍ അധ്യക്ഷന്‍ അശോക രണ്‍വാല വെളിപ്പെടുത്തി. രാജ്യത്ത് ഇപ്പോൾ പവർക്കട്ട് അഞ്ച് മണിക്കൂറോളമാണ് . ഒരു ദിവസത്തെ വലിയൊരു സമയവും ഇരുട്ടിലാണ് ശ്രീലങ്ക ജനത കഴിയുന്നത് തന്നെ.