ലോകം യുദ്ധത്തിനു പുറകേ; ആകാശം കീഴടക്കി ഇന്ത്യ; ഒന്നിനു പിറകേ ഒന്നായി വമ്പന്‍ നേട്ടങ്ങള്‍; ബ്രഹ്മോസിന് പിന്നാലെ മറ്റൊരു മിസൈലിന്റെ പരീക്ഷണം കൂടി
ബ്രഹ്മോസിന് പിന്നാലെ മറ്റൊരു മിസൈലിന്റെ കൂടി പരീക്ഷണം വിജയകരമായി പൂര്‍ത്തിയാക്കി ഡിആര്‍ഡിഒ. വ്യോമവേധാ മിസൈലിന്റെ പരീക്ഷണമാണ് ഇക്കുറി വിജയകരമായി പൂര്‍ത്തിയാക്കിയത്. ഒഡീഷയിലെ ബലസോറില്‍ നിന്നായിരുന്നു പരീക്ഷണം.
ഡിആര്‍ഡിഒ ട്വിറ്ററിലൂടെയാണ് പരീക്ഷണം വിജയകരമായെന്ന് അറിയിച്ചത്. രാവിലെ 10.30 ഓടെ ഐടിആറില്‍ നിന്നായിരുന്നു മിസൈല്‍ വിക്ഷേപണം. ലക്ഷ്യം കൃത്യമായി ഭേദിച്ചുകൊണ്ടായിരുന്നു മിസൈല്‍ കരുത്ത് തെളിയിച്ചതെന്ന് ഡിആര്‍ഡിഒ വ്യക്തമാക്കി. ഇതിന് മുന്‍പ് ജനുവരിയില്‍ ബ്രഹ്മോസ് മിസൈലിന്റെ പരീക്ഷണമാണ് ഇവിടെ നിന്നും നടത്തിയത്.
കരേസനയ്ക്ക് വേണ്ടിയാണ് വ്യോമവേധാ മിസൈല്‍ സംവിധാനം ഡിആര്‍ഡിഒ വികസിപ്പിച്ചത്. കഴിഞ്ഞ ദിവസം ആന്‍ഡമാന്‍ നിക്കോബാറില്‍ നിന്നും സൂപ്പര്‍ സോണിക് ക്രൂയിസ് മിസൈലിന്റെ പരീക്ഷണം വിജയകരമായിരുന്നു ഇതിന് പിന്നാലെയാണ് മറ്റൊരു മിസൈല്‍ പരീക്ഷണം കൂടി വിജയിക്കുന്നത്.
പ്രതിരോധ മേഖലയില്‍ അതിവേഗം മുന്നേറി ഇന്ത്യ. സൂപ്പര്‍ സോണിക് ക്രൂയിസ് മിസൈല്‍ ആയ ബ്രഹ്മോസിന്റെ പരീക്ഷണം ഡിആര്‍ഡിഒ വിജയകരമായി പൂര്‍ത്തിയാക്കി. ആന്‍ഡമാന്‍ നിക്കോബാര്‍ ദ്വീപില്‍ ആയിരുന്നു പരീക്ഷണം.
ഉപരിതല ഉപരിതല മിസൈലിന്റെ പരീക്ഷണം ആണ് വിജയകരമായി പൂര്‍ത്തിയാക്കിയത്. പരീക്ഷണത്തില്‍ മിസൈല്‍ കൃത്യതയോടെ ലക്ഷ്യം ഭേദിച്ചതായി പ്രതിരോധ മന്ത്രാലയം അറിയിച്ചു. മിസൈല്‍ പരീക്ഷണത്തിന്റെ ചിത്രങ്ങളും പ്രതിരോധ മന്ത്രാലയം പങ്കുവെച്ചിട്ടുണ്ട്.
വ്യോമസേനാ മേധാവി എയര്‍ ചീഫ് മാര്‍ഷല്‍ വി ആര്‍ ചൗധരിയുടെ സാന്നിദ്ധ്യത്തില്‍ ആയിരുന്നു മിസൈല്‍ പരീക്ഷണം. വ്യോമസേനയുടെ പ്രവര്‍ത്തനങ്ങള്‍ വിലയിരുത്തുന്നതിനായി കഴിഞ്ഞ ഏതാനും ദിവസങ്ങളായി അദ്ദേഹം അന്‍ഡമാന്‍ നിക്കോബാറില്‍ ഉണ്ട്. പരീക്ഷണം വിജയകരമായി പൂര്‍ത്തിയാക്കിയ ഡിആര്‍ഡിഒയ്ക്ക് വി ആര്‍ ചൗധരി അഭിനന്ദനങ്ങള്‍ അറിയിച്ചു.
ഈ മാസം 5 ന് മിസൈലിന്റെ ദൂരം പരീക്ഷിക്കുന്നതിനായി പരീക്ഷണം നടത്തിയിരുന്നു. ഇത് വിജയകരമായി പൂര്‍ത്തിയായതോടെയാണ് വീണ്ടും പരീക്ഷണം നടത്തിയത്. കരയില്‍ നിന്നും, വെള്ളത്തില്‍ നിന്നും, വായുവില്‍ നിന്നും വിക്ഷേപിക്കാന്‍ കഴിയുമെന്നതാണ് ബ്രഹ്മോസിന്റെ പ്രധാന സവിശേഷത. ഇതുകൊണ്ടാണ് മിസൈല്‍ ഇന്ത്യയ്ക്ക് പ്രധാനപ്പെട്ടത് ആകുന്നതും.
https://www.facebook.com/Malayalivartha
