താലിബാൻ അധികാരത്തിലേറിയതോടെ സ്ത്രീകൾക്കെതിരായി നിരവധി നിയന്ത്രണങ്ങൾ ഏർപ്പെടുത്തിയിരുന്നു. അതിൽ ശ്രദ്ധേയമായ തീരുമാനമായിരുന്നു തല മുതൽ പാദം വരെ മറയ്‌ക്കുന്ന തരത്തിൽ സ്ത്രീകൾ ബുർഖ ധരിക്കണമെന്നത്. എന്നാൽ ഇപ്പോൾ ഇതാ വീണ്ടും ഹിജാബിന്റെ കാര്യത്തിൽ ഒരു തീരുമാനം താലിബാൻ നടപ്പിലാക്കാനൊരുങ്ങുകയാണ്.

താലിബാൻ ഉത്തരവിട്ടിരിക്കുന്നത് കറുപ്പ് അല്ലാതെ മറ്റൊരു നിറത്തിലുള്ള ഹിജാബും ധരിക്കരുതെന്നാണ്. മറ്റു നിറങ്ങളിലുള്ള ശിരോവസ്ത്രം ധരിക്കുവാനും പാടില്ല. കറുപ്പ് അല്ലാത്ത നിറത്തിലുള്ള ശിരോവസ്ത്രം ധരിച്ചെത്തിയ വിദ്യാർത്ഥികളെ കാബൂളിലെ സർവ്വകലാശാലയിൽ താലിബാൻ പ്രവേശിപ്പിക്കാൻ തയ്യാറായില്ല എന്നതാണ് മറ്റൊരു ഞെട്ടിപ്പിക്കുന്ന സത്യാവസ്ഥ.

ഹിജാബ് ധരിച്ചെത്തിയവരെ മാറ്റി നിർത്തുകയും ശരീരം മുഴുവൻ കറുപ്പ് വസ്ത്രത്തിൽ മൂടിയെത്തിയവരെ മാത്രം സർവ്വകലാശാലയിൽ പ്രവേശിപ്പിക്കുന്ന ദൃശ്യങ്ങൾ സമൂഹമാദ്ധ്യമങ്ങളിൽ ഇപ്പോൾ ശ്രദ്ധ നേടുകയാണ്. ഒരു താലിബാൻ നേതാവ് അഫ്ഗാനിലെ സ്ത്രീകളെ ബുർഖ ധരിക്കാൻ നിർബന്ധിക്കുന്നില്ലെന്ന് വീരവാദം മുഴക്കിയിരുന്നു. എന്നാൽ ഇതിന് പിന്നാലെയാണ് ഈ ദൃശ്യങ്ങൾ പ്രചരിക്കുന്നത് .

അഫ്ഗാനിലെ ആക്ടിംഗ് ആഭ്യന്തര മന്ത്രി സിറാജുദ്ദീൻ ഹഖാനി പറയുന്നത് ഹിജാബ് നിർബന്ധമാക്കിയിട്ടില്ലെന്നാണ്. അതൊരു മതവസ്ത്രമായതിനാൽ സ്ത്രീകളോട് ധരിക്കാൻ നിർദ്ദേശിക്കുക മാത്രമാണ് ചെയ്തത് എന്നാണ് അദ്ദേഹം പറഞ്ഞിരിക്കുന്നത് . ഇപ്പോൾ പ്രചരിക്കുന്ന വിഡിയോയിൽ കറുത്ത് ഹിജാബ് ധരിക്കുന്നുണ്ടെന്നും പിന്നെ എന്തിനാണ് കറുത്ത ശിരോവസ്ത്രം കൂടി ധരിക്കുന്നത് എന്നും പെൺകുട്ടികൾ ചോദ്യമുന്നയിക്കുന്നുണ്ട് . കറുത്ത ശിരോവസ്ത്രം ഈ ചൂട് കാലത്ത് അണിയുന്നത് ഭയങ്കര ബുധിമുട്ടാണെന്നും അദ്ദേഹം പറയുന്നു. പക്ഷേ ഈ കാര്യങ്ങൾ പരിഗണിക്കാതെയാണ് താലിബാൻ നിയമങ്ങൾ നടപ്പിലാക്കി കൊണ്ടിരിക്കുന്നത്.