ടെസ്ലയുടെ അത്ഭുത കണ്ടെത്തല്; 100 വര്ഷത്തേക്ക് ചാര്ജ് ചെയ്യാവുന്ന ബാറ്ററി; ലോകത്തെ ഞെട്ടിച്ച് ടെസ്ല ഗവേഷകര്
26 MAY 2022 04:50 PM IST
മലയാളി വാര്ത്ത
ഇലട്രിക് വാഹന നിര്മാതാക്കളായ ടെസ്ല ലോകത്തെ തന്നെ ഞെട്ടിച്ചിരിക്കുകയാണ്. 100 വര്ഷത്തേക്ക് ചാര്ജ് ചെയ്യാവുന്ന ബാറ്ററി സാങ്കേതികവിദ്യയാണ് ഇലോണ് മസ്കിന് കീഴില് ജോലി ചെയ്യുന്ന ടെസ്ല ഗവേഷകര് വികസിപ്പിച്ചെടുത്തിരിക്കുന്നത്. കാനഡയിലെ ടെസ്ലയുടെ ബാറ്ററി റിസര്ച്ച് ഗ്രൂപ്പ് ഡല്ഹൗസി യൂണിവേഴ്സിറ്റിയുമായി സഹകരിച്ചാണ് 100 വര്ഷം നീണ്ടുനില്ക്കുന്ന നിക്കല് അധിഷ്ഠിത ബാറ്ററി സാങ്കേതികവിദ്യയെക്കുറിച്ചുള്ള പ്രബന്ധം പുറത്തിറക്കിയത്.
ഇപ്പോള് വികസിപ്പിച്ചെടുത്ത പുതിയ ബാറ്ററികളുടെ മിശ്രിതത്തില് നിക്കല് ഉപയോഗിക്കുന്നുണ്ട്. ഇത് ബാറ്ററിക്ക് ഉയര്ന്ന സാന്ദ്രത വാഗ്ദാനം ചെയ്യുന്നുണ്ട്. ഇലക്ട്രിക് വാഹനങ്ങള്ക്ക് ഏറെ ഉപകാരപ്പെടുന്നതാകും ഈ ബാറ്ററി ടെക്നോളജി. ലിഥിയംഅയണ് ബാറ്ററികളെ അപേക്ഷിച്ച് ഇവയുടെ തനതായ രാസഘടനയുള്ള ഈ ബാറ്ററികള് ചാര്ജ് ചെയ്താല് കൂടുതല് കാലം നീണ്ടുനില്ക്കുമെന്നും ഗവേഷകര് അവകാശപ്പെടുന്നു.ഇലക്ട്രെക്ക് ആണ് ഇത് സംബന്ധിച്ച ആദ്യ റിപ്പോര്ട്ട് പുറത്തുവിട്ടത്. ടെക് ലോകത്തെ ഏറ്റവും വലിയ പ്രതിസന്ധിക്ക് ഇതോടെ പരിഹാരമാകുമെന്നാണ് പ്രതീക്ഷിക്കുന്നത്. നിലവില് കാനഡയിലെ ഹാലിഫാക്സിലെ ഡല്ഹൗസി യൂണിവേഴ്സിറ്റിയുടെ ഭാഗമായ ബാറ്ററി സാങ്കേതികവിദ്യയിലെ ലോകത്തെ പ്രമുഖ വിദഗ്ധരില് ഒരാളായ ജെഫ് ഡാനുമായി സഹകരിച്ചാണ് ഈ ഗവേഷണം നടന്നിരിക്കുന്നത്.
അതേസമയം, നിലവില് ഉപയോഗിക്കുന്ന ലിഥിയം ഫെറം (ഇരുമ്പ്) ഫോസ്ഫേറ്റ് സെല്ലുകള്ക്ക് സമാനമായ ചാര്ജിങ്ങും ഊര്ജ സാന്ദ്രതയും നല്കുന്നതുമാണ് പുതിയ ബാറ്ററി ടെക്നോളജി.
ബാറ്ററി ചാര്ജ് ചെയ്യുമ്പോഴുളള താപനില കുറയ്ക്കാനും സാധിക്കുന്നതാണ്. എല്ലായ്പ്പോഴും 25 ഡിഗ്രി സെല്ഷ്യസ് താപനിലയില് ബാറ്ററി ചാര്ജ് ചെയ്താല് ബാറ്ററി ആയുസ്സ് 100 വര്ഷം കവിഞ്ഞേക്കാവുന്ന ഒരു ഉദാഹരണം ഗവേഷണ റിപ്പോര്ട്ടില് എടുത്തുകാണിക്കുന്നു. ഇത് ശരിക്കും വിപ്ലവകരമാണെന്നും പറയുന്നു.
കൂടാതെ, മുന്കാലങ്ങളില് നിക്കല് ബാറ്ററികളില് കോബാള്ട്ട് ഉണ്ടായിരുന്നു. എന്നാല്, കോബാള്ട്ടിന്റെ ലഭ്യത ഇപ്പോള് വലിയ വെല്ലുവിളി നേരിടുന്നുണ്ട്. ഈ ആശങ്കകള് ഇല്ലാതാക്കാന് പുതിയ ബാറ്ററി രൂപകല്പ്പനയ്ക്ക് സാധിച്ചേക്കുമെന്ന് കരുതാം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
