പുടിനിറങ്ങിയിട്ടും രക്ഷയില്ല; യുദ്ധമുഖത്ത് റഷ്യ്ക്ക് വന് തിരിച്ചടി; ആയുധങ്ങളെത്തിക്കുന്ന തന്ത്രപ്രധാന ഹൈവെ തിരിച്ചുപിടിച്ച് യുക്രൈന്;
യുദ്ധ നിയന്ത്രണം റഷ്യന് പ്രസിഡന്റ് പുട്ടിന് നേരിട്ടാണ് നടപ്പിലാക്കുന്നത് എന്നാണ് അന്താരാഷ്ട്ര മാധ്യമങ്ങള് പറയുന്നത്. പലയിടങ്ങളിലും റഷ്യ ആക്രമണങ്ങള് കടുപ്പിക്കുന്നുണ്ടെങ്കിലും. തന്ത്ര പ്രധാന മേഘലകള് കൈവിടുന്നത് റഷ്യയ്ക്ക് വലിയ തിരിച്ചടിയാവുകയാണ്. വടക്കുകിഴക്കന് യുക്രെയ്ന് നഗരമായ ഹര്കീവില് റഷ്യന് ഷെല്ലാക്രമണത്തില് 4 മരണം റിപ്പോര്ട്ട് ചെയ്തു. ഒട്ടേറെപ്പേര്ക്ക് പരുക്കേറ്റു. സുരക്ഷാ ഷെല്ട്ടറിലേക്കു മാറാന് നഗരഭരണകൂടം ജനങ്ങളോട് ആവശ്യപ്പെട്ടു. യുദ്ധത്തിന്റെ ആദ്യഘട്ടങ്ങളില് ഹര്കീവില് വലിയ പോരാട്ടം നടന്നിരുന്നെങ്കിലും റഷ്യന് സേന ഡോണ്ബാസിലേക്കു ശ്രദ്ധ കേന്ദ്രീകരിക്കുകയും യുക്രെയ്ന് സൈന്യം നിലയുറപ്പിക്കുകയും ചെയ്തതോടെ ഹര്കീവ് കഴിഞ്ഞ കുറച്ചുനാളുകളായി സമാധാനം കൈവരിച്ചിരുന്നു.
ഇതിനിടെ, കിഴക്കന് യുക്രെയ്നിലെ റഷ്യന് അനുകൂല വിമത മേഖലയായ ഡോണ്ബാസില് റഷ്യ നാല്പതിലേറെ സ്ഥലങ്ങളില് ഷെല്ലാക്രമണം നടത്തി. മേഖലയിലുള്ള സീവിയറൊഡോണെറ്റ്സ്, ലൈസിഷാന്സ്ക് എന്നീ നഗരങ്ങള് വളയാന് ശ്രമം തുടരുന്നു. ഇവ വീണാല് ഡോണ്ബാസിലെ ലുഹാന്സ്ക് പ്രവിശ്യ റഷ്യന് കരങ്ങളിലാകും. ഈ നഗരങ്ങളിലേക്കുള്ള തന്ത്രപ്രധാനമായ ഹൈവേ, റഷ്യ കുറച്ചുനേരം നിയന്ത്രണത്തിലാക്കിയെങ്കിലും യുക്രെയ്ന് തിരിച്ചുപിടിച്ചു.
ഡോണ്ബാസില് ഇതുവരെ 8000 ല് അധികം യുക്രെയ്ന്കാരെ യുദ്ധക്കുറ്റവാളികളായി പിടിച്ചെന്ന് റഷ്യന് വൃത്തങ്ങള് പറഞ്ഞു. മരിയുപോളിലും ലൈസിഷാന്സ്കിലും കൂട്ടക്കുഴിമാടങ്ങള് കണ്ടെത്തി. നൂറുകണക്കിനു മൃതശരീരങ്ങള് ഇവയിലുണ്ട്. കിഴക്കന് യുക്രെയ്നിലെ ഡോണ്ബാസ് മേഖലയില് റഷ്യന് ആക്രമണത്തില് തകര്ന്ന കെട്ടിടത്തിനു മുന്നിലിരിക്കുന്ന ബാലന് യുക്രെയ്നില് നിന്നു ധാന്യ നീക്കം സുഗമമാക്കാന് ഇടനാഴിയൊരുക്കുന്നതിനായി തുര്ക്കി, റഷ്യയും യുക്രെയ്നുമായി നടത്തുന്ന ചര്ച്ചകള് തുടരുകയാണ്. കരിങ്കടല് തുറമുഖങ്ങള് പ്രവര്ത്തിക്കാതായതോടെ ലക്ഷക്കണക്കിനു ടണ് ധാന്യങ്ങള് കെട്ടിക്കിടക്കുന്നത് ആഗോള ഭക്ഷ്യക്ഷാമത്തിനു വഴിയൊരുക്കിയിട്ടുണ്ട്.
https://www.facebook.com/Malayalivartha
