ഫേസ്ബുക്കില് പുതിയ മാറ്റം; വാട്സാപ്പിലില്ലാത്ത ആ അപ്ഡേറ്റ് ഇതാണ്; സ്വകാര്യത നയങ്ങള് മാറ്റിമറിച്ച് മെറ്റയുടെ നീക്കം ഇങ്ങനെ
ഫേസ്ബുക്ക്, ഇന്സ്റ്റഗ്രാം ഉപഭോക്താക്കളുടെ ഡാറ്റ ഉപയോഗത്തിന്റെ പേരില് വലിയ വിമര്ശനം ഏറ്റുവാങ്ങിയവരാണ് മെറ്റ. ഇത് തിരുത്താനുള്ള ശ്രമവുമായി മെറ്റ. ഇത് സംബന്ധിച്ച നോട്ടിഫിക്കേഷന് ഉപയോക്താക്കള്ക്ക് ലഭിച്ചു തുടങ്ങി. ഈ പ്ലാറ്റ്ഫോമിലെ ഒരു ഉപയോക്താവിന്റെ വിവരങ്ങള് എങ്ങനെ ഉപയോഗിക്കപ്പെടുന്നുവെന്ന് എളുപ്പം മനസ്സിലാക്കുന്നതിനായുള്ള മാറ്റങ്ങള് പുതിയ അപ്ഡേറ്റില് ഉള്പ്പെടുത്തിയിട്ടുണ്ടെന്നാണ് മെറ്റാ പറയുന്നത്. നേരത്തെ ഫേസ്ബുക്ക്, ഇന്സ്റ്റഗ്രാം ഉപഭോക്താക്കളുടെ ഡാറ്റ ഉപയോഗത്തിന്റെ പേരില് വലിയ വിമര്ശനം ഏറ്റുവാങ്ങിയവരാണ് മെറ്റ. ഇത് തിരുത്താനുള്ള ശ്രമമാണ് പുതിയ നീക്കം. എന്നാല് മെറ്റയുടെ കീഴിലുള്ള വാട്ട്സ്ആപ്പിന് പുതിയ അപ്ഡേറ്റ് ലഭ്യമല്ല.
പുതിയ രീതിയില് ഉപയോക്താവിന്റെ ഡാറ്റ ശേഖരിക്കാനോ ഉപയോഗിക്കാനോ പങ്കിടാനോ വലിയ നിയന്ത്രണമൊന്നും മെറ്റയ്ക്ക് ഉണ്ടാകുന്നില്ല. എന്നാല് ഉപയോക്താക്കള്ക്ക് അവരുടെ വിവരങ്ങള് എങ്ങനെ ഉപയോഗിക്കണം എന്നത് നിയന്ത്രിക്കാന് കഴിയുന്ന രീതിയില് രണ്ട് മാറ്റങ്ങള് മെറ്റ വരുത്തുന്നുണ്ട്.
ഒരു പുതിയ ക്രമീകരണം ആളുകള്ക്ക് ഡിഫോള്ട്ടായി അവരുടെ പോസ്റ്റുകള് ആര്ക്കൊക്കെ കാണാനാകുമെന്നതില് കൂടുതല് നിയന്ത്രണം നല്കും.ഒപ്പം ഉപയോക്താക്കള്ക്ക് കാണാനാകുന്ന പരസ്യങ്ങളുടെ നിലവിലുള്ള നിയന്ത്രണങ്ങള് ഒരൊറ്റ ഇന്റര്ഫേസിലേക്ക് ഏകീകരിച്ചിരിക്കുന്നു. 'ഞങ്ങള്ക്ക് ഞങ്ങളുടെ പ്ലാറ്റ്ഫോമുകള് ഉപയോഗിക്കുന്നവരില് നിന്നും എന്താണ് പ്രതീക്ഷിക്കുന്നതെന്ന് നന്നായി വിശദീകരിക്കാന് സാധിച്ചിട്ടുണ്ട് പുതിയ അപ്ഡേറ്റിലൂടെ' മെറ്റയുടെ ചീഫ് പ്രൈവസി ഓഫീസര് മൈക്കല് പ്രോട്ടി പ്രൈവസി അപ്ഡേറ്റ് സംബന്ധിച്ച് ബ്ലോഗ് പോസ്റ്റില് പറഞ്ഞു.
കമ്പനി ഏതെങ്കിലും അക്കൗണ്ടുകള് ഡിലീറ്റ് ചെയ്യുന്ന അവസരത്തില്, ആ അക്കൗണ്ടിന് എന്ത് സംഭവിക്കും എന്നതിനെക്കുറിച്ചുള്ള കൂടുതല് വിശദാംശങ്ങളും മെറ്റനല്കും എന്നും ബ്ലോഗ് പോസ്റ്റ് പറയുന്നു. ഒപ്പം മെറ്റ വിവരങ്ങള് പങ്കിടുകയും, അത് സ്വീകരിക്കുകയും ചെയ്യുന്ന മൂന്നാം കക്ഷികളെക്കുറിച്ചു. ഒരോ പ്ലാറ്റ്ഫോമിലും ഡാറ്റ എങ്ങനെ പങ്കിടുന്നു എന്നതിനെക്കുറിച്ചും കൂടുതല് വിശദാംശങ്ങള് നല്കുമെന്നും മെറ്റാ പറയുന്നു.
മെറ്റാ ഉല്പ്പന്നങ്ങള് ഉപയോഗിക്കുന്നത് തുടരാന് പുതിയ അപ്ഡേറ്റുകള് സ്വീകരിക്കുന്നു എന്നൊന്നും ഉപയോക്താവ് പറയേണ്ടതില്ല. എന്നാല് മാറ്റങ്ങള് അംഗീകരിക്കാന് ആഗ്രഹിക്കാത്ത ആളുകള്ക്ക് 'ഞങ്ങളുടെ സേവനങ്ങള് ഉപേക്ഷിക്കാന് സ്വാതന്ത്ര്യമുണ്ട്' എന്ന് കമ്പനി പറയുന്നു.
https://www.facebook.com/Malayalivartha
