ഇന്ത്യയില്‍ പെട്രോളിയം ഇത്പന്നങ്ങളുടെ വിലയില്‍ കേന്ദ്ര സര്‍ക്കാര്‍ ഇളവ് വരുത്തിയതോടെ. ആ രീതി പാകിസ്ഥാനിലും നടപ്പിലാക്കാനുള്ള നീക്കത്തിലായിരുന്നു പാക്ക് പ്രധാനമന്ത്രി ഷഹബാസ് ഷെരീഫ്. എന്നാല്‍ നിലവിലെ അവസ്ഥയില്‍ അത് നടപ്പിലാക്കാന്‍ കഴിയില്ലെന്ന് മാത്രമല്ല. വില കൂട്ടിയാലേ പിടിച്ച് നില്‍ക്കാന്‍ പോലും കഴിയൂ എന്ന അവസ്ഥയിലായി കാര്യങ്ങള്‍. ഇതോടെ പാകിസ്താനില്‍ ഇന്ധനവിലയില്‍ വന്‍വര്‍ധനവ് വരുത്തി ഷെഹ്ബാസ് ഷെരീഫ് സര്‍ക്കാര്‍. പെട്രോളിന് ലിറ്ററിന് 30 രൂപ വര്‍ധിപ്പിച്ചതോടെ 179 രൂപയാകും. പാകിസ്താന്‍ ധനമന്ത്രി മിഫ്താ ഇസ്മായില്‍ വ്യാഴാഴ്ച പെട്രോളിയം ഉല്‍പ്പന്നങ്ങളുടെ വിലയില്‍ ഗണ്യമായ വര്‍ദ്ധനവ് പ്രഖ്യാപിച്ചത്. അന്താരാഷ്ട്ര നാണയ നിധി (ഐഎംഎഫ്) അടുത്തിടെ ചരക്ക് സബ്‌സിഡികള്‍ ഒഴിവാക്കുന്നതിന് നിര്‍ദേശം നല്‍കിയതിന് പിന്നാലെയാണ് ഈ നീക്കം. വിലവര്‍ധന വെളളിയാഴ്ച്ച മുതല്‍ പ്രാബല്യത്തില്‍ വരും.

ഡീസല്‍, മണ്ണെണ്ണ, ലൈറ്റ് ഡീസല്‍ എന്നിവയുടെ വില 30 രൂപ വര്‍ധിപ്പിക്കാന്‍ ഷെരീഫ് സര്‍ക്കാര്‍ തീരുമാനിച്ചതായി ധനമന്ത്രി മിഫ്താ ഇസ്മായില്‍ വാര്‍ത്താസമ്മേളനത്തില്‍ അറിയിച്ചു. പുതുക്കിയ നിരക്ക് പ്രകാരം പെട്രോളിന് 179.86 രൂപയും ഡീസലിന് 174.15 രൂപയും മണ്ണെണ്ണ 155.56 രൂപയും ലൈറ്റ് ഡീസല്‍ 155.56 രൂപയും ആയിരിക്കും.

വൈദ്യുതി, പെട്രോളിയം ഉല്‍പന്നങ്ങള്‍ എന്നിവയുടെ വില വര്‍ധിപ്പിക്കണമെന്ന ഐഎംഎഫിന്റെ ആവശ്യം ഫെബ്രുവരിയില്‍ മുന്‍ പിടിഐ ഭരണകൂടം ആദ്യം അംഗീകരിച്ചിരുന്നു. എന്നാല്‍ പിന്നീട് പുറത്താക്കപ്പെട്ട പ്രധാനമന്ത്രി ഇമ്രാന്‍ ഖാന്‍ മാര്‍ച്ചില്‍ ഇവയ്ക്ക് സബ്‌സിഡി പ്രഖ്യാപിച്ചിരുന്നു. സര്‍ക്കാര്‍ അതേ ക്രമീകരണം തുടരുകയായിരുന്നു. അതിനിടെയാണ് ഇന്ധന

അതേസമയം പെട്രോളിയം ഉല്‍പന്നങ്ങളുടെ വിലക്കയറ്റം മൂലം പണപ്പെരുപ്പം ഉയരുമെന്ന് പാകിസ്താന്‍ ധനമന്ത്രി മിഫ്താ പറഞ്ഞു. പെട്രോളിയം ഉല്‍പ്പന്നങ്ങളുടെ വില 30 രൂപ വര്‍ധിപ്പിക്കാനുള്ള പ്രധാനമന്ത്രി ഷെഹ്ബാസ് ഷെരീഫിന്റെ തീരുമാനം എളുപ്പമുള്ള കാര്യമല്ലെന്നും അദ്ദേഹം വ്യക്തമാക്കി. എന്നിരുന്നാലും, നിലവിലെ ഭരണകൂടം സമ്പദ്വ്യവസ്ഥയെ സംരക്ഷിക്കുന്നതിന് ആവശ്യമായ എല്ലാ നടപടികളും സ്വീകരിക്കുമെന്നും അദ്ദേഹം കൂട്ടിച്ചേര്‍ത്തു.

രാഷ്ട്രീയത്തിനുവേണ്ടി രാജ്യത്തെ മുക്കിക്കളയാന്‍ തങ്ങള്‍ക്ക് കഴിയില്ലെന്നും പാകിസ്താന്‍ ധനമന്ത്രി വിശദീകരിച്ചു. പണപ്പെരുപ്പം ഉയരുന്നതാണ് സര്‍ക്കാരിന്റെ പോരായ്മകളെന്നും എന്നാല്‍ അവര്‍ പലചരക്ക് കടകളില്‍ സബ്‌സിഡി നല്‍കിയിട്ടുണ്ടെന്നും മിഫ്ത ഇസ്മായില്‍ പറഞ്ഞു.

ഇമ്രാന്‍ ഖാന്റെ സര്‍ക്കാരിനേക്കാള്‍ കുറഞ്ഞ വിലയ്ക്ക് തങ്ങള്‍ പഞ്ചസാര ലഭ്യമാക്കുന്നുണ്ടെന്നും അദ്ദേഹം അവകാശപ്പെട്ടു. ഇതിനിടയില്‍ ആദ്യ ഒമ്പത് മാസത്തിനുള്ളില്‍ 13.2 ബില്യണ്‍ ഡോളറിന്റെ കമ്മിയും തിരിച്ചടവ് ബാധ്യതകളും കാരണം വിദേശനാണ്യ കരുതല്‍ ശേഖരം കൂടുതല്‍ കുറയുന്നത് തടയാനാണ് പാക് സര്‍ക്കാര്‍ ശ്രമിക്കുന്നത്. ഇത് ഒഴിവാക്കാന്‍ ജൂണ്‍ വരെ 912 ബില്യണ്‍ ഡോളറിന്റെ സാമ്പത്തിക സഹായം പാകിസ്താന് ആവശ്യമായി വരുമെന്ന് നേരത്തെ മാദ്ധ്യമങ്ങള്‍ റിപ്പോര്‍ട്ട് ചെയ്തിരുന്നു.