ഭക്ഷ്യക്ഷാമം അടക്കമുള്ള പ്രശ്‌നങ്ങളുടെ പേരില്‍ പ്രകടനം നടത്തിയവര്‍ക്കെതിരെ അനുയായികള്‍ നടത്തിയ ആക്രമണവുമായി ബന്ധപ്പെട്ട് മുന്‍പ്രധാനമന്ത്രി മഹിന്ദ രാജപക്‌സെയുടെ പൊലീസ് 3 മണിക്കൂര്‍ ചോദ്യം ചെയ്തു. ഈ മാസം 9ന് നടന്ന കലാപത്തില്‍ 10 പേര്‍ കൊല്ലപ്പെടുകയും 200 പേര്‍ക്ക് പരുക്കേല്‍ക്കുകയും ചെയ്തിരുന്നു.

സിഐഡി വിഭാഗമാണ് മഹിന്ദയുടെ വസതിയിലെത്തി ചോദ്യം ചെയ്തത്. മകനും മുന്‍മന്ത്രിയുമായ നമല്‍ രാജപക്‌സെയെയും ചോദ്യം ചെയ്തിരുന്നു. ഭരണകക്ഷിയായ എസ്എല്‍പിപിയുടെ 3 അംഗങ്ങളെ കഴിഞ്ഞയാഴ്ച ചോദ്യം ചെയ്തിരുന്നു. നേരത്തെ അറസ്റ്റിലായ 2 നേതാക്കള്‍ റിമാന്‍ഡിലാണ്. ജപ്പാനില്‍ നിന്ന് സാമ്പത്തികസഹായം ലഭിക്കുമെന്നും ഇതിനായി നടന്നുവരുന്ന ചര്‍ച്ചകള്‍ അതിവേഗം ഫലമണിയുമെന്നും പ്രസിഡന്റ് ഗോട്ടബയ രാജപക്‌സെ പ്രതീക്ഷ പ്രകടിപ്പിച്ചു.