ലൈംഗികബന്ധത്തിന് ശേഷം പല രീതിയിലുള്ള രോഗങ്ങളും രോഗാവസ്ഥകളും നേരിടുക എന്നത് സ്വാഭാവികമായ കാര്യമാണ്. ഇവിടെ ഇതാ ലൈംഗികബന്ധത്തിന് ശേഷം ഓര്‍മ്മ ശക്തി നഷ്ടപ്പെട്ടിരിക്കുകയാണ് 66കാരന്. ലൈംഗികബന്ധത്തിന് ശേഷം 10 മിനുട്ട് കഴിഞ്ഞപ്പോൾ ഒന്നും ഇദ്ദേഹത്തിന് ഓര്‍മ്മയില്ല. ശാരീരികബന്ധത്തിന് ശേഷം മൊബൈലില്‍ നോക്കിയപ്പോൾ തന്റെ വിവാഹവാര്‍ഷിക ദിനം മറന്നു പോയി എന്ന് ഇദ്ദേഹം കരുതുകയും അത് പറയുകയും ചെയ്തു.

എന്നാൽ തലേദിവസമായിരുന്നു വിവാഹവാര്‍ഷികം ആഘോഷിച്ചത്. അത് അദ്ദേഹത്തിന് ഓർക്കാനേ കഴിയുന്നില്ല. ഭാര്യയോടും മകളോടും വിവാഹവാര്‍ഷികത്തെക്കുറിച്ച്‌ തുടര്‍ച്ചയായി ചോദിച്ചു കൊണ്ടേയിരുന്നു. തന്റെ പേരും, വയസ്സും വിദ്യാഭ്യാസവും മറ്റ് അടിസ്ഥാന വിവരങ്ങളും നന്നായി ഓർമ്മയുണ്ട്. പക്ഷേ തൊട്ടടുത്ത സമയങ്ങളില്‍ നടന്ന ഒരു കാര്യങ്ങളും അദ്ദേഹത്തിന് ഓർമ്മയില്ല.

2015ലും ഇയാള്‍ക്ക് ഈ രോഗാവസ്ഥ ഉണ്ടായി. പിന്നീട് ഇയാളുടെ രോഗം ഭേദമാകുകയും ചെയ്തു. ലൈംഗികബന്ധത്തിന് ശേഷം ബുദ്ധിമുട്ട് അനുഭവപ്പെടുകയും ആശുപത്രിയിലാക്കുകയുമായിരുന്നു. ബുധനാഴ്‌ച പ്രസിദ്ധീകരിച്ച ഐറിഷ് മെഡിക്കല്‍ ജേണലിലാണ് ഈ രോഗാവസ്ഥയെ കുറിച്ച് പറഞ്ഞിരിക്കുന്നത്. ട്രാന്‍സിയന്റ് ഗ്ളോബല്‍ അംനീഷ്യ എന്നതാണ് രോഗം. 50 വയസിനും 70 വയസിനുമിടയിലുള‌ളവര്‍ക്ക് സംഭവിക്കാവുന്ന അപൂര്‍വമായ മാനസികാവസ്ഥ. ഇത്തരം പ്രശ്‌നമുണ്ടായാൽ മണിക്കൂറുകള്‍ക്കകം ഓര്‍മ്മശക്തി തിരിച്ച് കിട്ടാറുണ്ട്.