തൂക്കുപാലം ഉദ്ഘാടനം ചെയ്ത് സ്ഥലം മേയറും സംഘവും പാലത്തില്‍ കയറവേ പാലം തകര്‍ന്നു....മേയറും കൗണ്‍സില്‍ അംഗങ്ങളും ഉദ്യോഗസ്ഥരുമെല്ലാം കല്ലുകള്‍ നിറഞ്ഞ കുഴിയിലേക്ക്, വീഴ്ചയില്‍ നിരവധി പേര്‍ക്ക് പരിക്ക്
തൂക്കുപാലം ഉദ്ഘാടനം ചെയ്ത് സ്ഥലം മേയറും സംഘവും പാലത്തില്‍ കയറവേ പാലം തകര്‍ന്നു....മേയറും കൗണ്‍സില്‍ അംഗങ്ങളും ഉദ്യോഗസ്ഥരുമെല്ലാം കല്ലുകള്‍ നിറഞ്ഞ കുഴിയിലേക്ക്, വീഴ്ചയില്‍ നിരവധി പേര്‍ക്ക് പരിക്ക്.
തൂക്കുപാലം ഉദ്ഘാടനം ചെയ്ത് സ്ഥലം മേയറും സംഘവും പാലത്തില്‍ കയറിയപ്പോഴാണ് അപകടം നടന്നത്. പാലം തകര്‍ന്നതോടെ മേയറും കൗണ്‍സില്‍ അംഗങ്ങളും ഉദ്യോഗസ്ഥരുമെല്ലാം നിലംപതിച്ചു. കല്ലുകള്‍ നിറഞ്ഞ കുഴിയിലേക്കാണ് സംഘം വീണത് ഏറെ പരിഭ്രാന്തി ഉയര്‍ത്തി. സംഭവത്തിന്റെ വീഡിയോ സോഷ്യല്‍ മീഡിയയില്‍ പ്രചരിക്കുന്നുണ്ട്.
മെക്‌സിക്കോയിലെ ക്യൂര്‍നാവാകയിലാണ് തൂക്കൂപാലം തകര്‍ന്ന് ഉദ്ഘാടകനും സംഘവും കുഴിയിലേക്ക് വീണത്. റിപ്പോര്‍ട്ടുകള്‍ പ്രകാരം ചൊവ്വാഴ്ചയാണ് അപകടമുണ്ടായത്്. നദിയ്ക്ക് കുറുകെ ഉണ്ടായിരുന്ന പഴയ തൂക്കുപാലം മാറ്റിപ്പണിഞ്ഞതിന്റെ ഉദ്ഘാടന ചടങ്ങിലാണ് ഞെട്ടിക്കുന്ന സംഭവം നടന്നത്.
ഇരുമ്പ് ചങ്ങലകളും മരത്തടികളും കൊണ്ടുണ്ടാക്കിയ തൂക്കുപാലം മേയര്‍ ജോ ലൂയിസാണ് ഉദ്ഘാടനം ചെയ്തത്. ഉദ്ഘാടനത്തിന് പിന്നാലെ മേയറും കൗണ്‍സില്‍ അംഗങ്ങളും പ്രാദേശിക മാധ്യമപ്രവര്‍ത്തകരും നാട്ടുകാരും പാലത്തില്‍ കയറിയപ്പോഴാണ് ഇരുമ്പു ചങ്ങലകള്‍ പൊട്ടിയത്. ഇതോടെ നിര്‍മാണ സാമഗ്രികളും മറ്റും കൂട്ടിയിട്ട കുഴിയിലേക്ക് മേയറും സംഘവും വീണു.
മേയറും പ്രാദേശിക മാധ്യമപ്രവര്‍ത്തകനും ഉള്‍പ്പെടെ നിരവധിപ്പേര്‍ക്ക് വീഴ്ചയില്‍ പരിക്കേറ്റു. ആരുടെയും പരിക്ക് ഗുരുതരമല്ലെന്നാണ് റിപ്പോര്‍ട്ട്. കൂടുതല്‍ ആളുകള്‍ കയറിയതാണ് അപകടത്തിന് കാരണമായതെന്ന് ഉദ്യോഗസ്ഥര്‍.
"
https://www.facebook.com/Malayalivartha
