പാകിസ്ഥാൻ ഇപ്പോൾ വെള്ളത്തിനടിയിലാണ്. മാത്രമല്ല സർക്കാർ കണക്കുകൾ പ്രകാരം 30 ദശലക്ഷം ആളുകളെയാണ് വെള്ളപ്പൊക്കം ബാധിച്ചിരിക്കുന്നത്. നിലവിൽ വെള്ളപ്പൊക്കം മൂലം ഏകദേശം 1,000 പേർ ആണ് മരണപ്പെട്ടത്. നിലവിൽ പാകിസ്ഥാന്റെ പകുതിയിലധികവും വെള്ളത്തിലാണ്. സമീപകാലത്തെ ഏറ്റവും വലിയ മൺസൂൺ വെള്ളപ്പൊക്കമാണ് പാകിസ്ഥാനെ ബാധിച്ചത്.

അതേസമയം ദശലക്ഷക്കണക്കിന് ആളുകൾ ഭവനരഹിതരാക്കപ്പെട്ടു. ഒപ്പം തന്നെ അസാധാരണമായ മൺസൂൺ മഴ അതിന്റെ മൂർദ്ധന്യാവസ്ഥയിൽ എത്തിയിരിക്കുകയാണ്. സാധാരണ എല്ലാ വർഷവും ജൂൺ-ഓഗസ്റ്റ് മൺസൂൺ സീസണിൽ പാകിസ്ഥാൻ ബുദ്ധിമുട്ട് അനുഭവിക്കുകയാണ്.

എന്നാൽ, 2022 ൽ ഇത് വളരെ മോശമായിരിക്കുകയാണ്. പക്ഷേ പൊതുവെ ജൂലൈയിൽ മാത്രമേ പാകിസ്ഥാനിൽ മഴ ലഭിക്കൂ. എങ്കിൽ ഈ വർഷം ജൂണിൽ തന്നെ ശക്തമായ മഴ പെയ്തു തുടങ്ങിയത് വെള്ളപ്പൊക്കത്തിന് കാരണമായി. ജൂൺ അവസാനം മുതൽ ജൂലൈ പകുതി വരെ ഏകദേശം 300 പേർ കൊല്ലപ്പെട്ടു.