യുഎസിലെ ഹൂസ്റ്റണിൽ കെട്ടിടത്തിനു തീയിട്ടശേഷം നടത്തിയ വെടിവയ്പ്പിൽ അക്രമി ഉൾപ്പെടെ നാല് പേർ മരിച്ചു. രണ്ടുപേർക്കു പരുക്കേറ്റു. മരിച്ചവരെല്ലാം 40 – 60 വരെ പ്രായമുള്ള പുരുഷന്മാരാണെന്ന് ഹൂസ്റ്റൺ പൊലീസ് മേധാവി അറിയിച്ചു.

8020 ഡൺലാപ് സ്ട്രീറ്റിൽ മുറികൾ വാടകയ്ക്കു നൽകുന്ന കേന്ദ്രത്തിലാണ് സംഭവം. പ്രാദേശിക സമയം ഞായർ പുലർച്ചെയായിരുന്നു ആക്രമണം. കെട്ടിടത്തിനു തീപിടിച്ചതറിഞ്ഞ് രക്ഷപ്പെടാൻ ശ്രമിച്ചവർക്കുനേരെയാണ് അക്രമി വെടിയുതിർത്തത്.

പുലർച്ചെ 1.07ന് അക്രമിയെക്കുറിച്ച് പൊലീസിന് സന്ദേശം എത്തുകയായിരുന്നു. 40 വയസ്സുകാരനായ ആഫ്രിക്കൻ അമേരിക്കൻ വംശജനാണ് അക്രമിയെന്നും പൊലീസ് വ്യക്തമാക്കി.