പാകിസ്ഥാനില് ഭീകരാക്രമണം. പാലൂട്ടിയ കൈകള്ക്ക് കൊത്ത്. അമേരിക്കയും യുകെയും ചാടി പുറപ്പെട്ടു.
പാകിസ്ഥാന് നട്ടുവളര്ത്തി വന്വൃക്ഷമാക്കി മാറ്റിയ തീവ്രവാദികള് പാകിസ്ഥാനെതിരെ തിരിയുന്ന കാഴ്ചകളാണ് ലോകം കാണുന്നത്. ഇന്ത്യയോട് എന്നും ശത്രുത നിലനിറുത്താനായി പാകിസ്ഥാന് പാലും തേനും കൊടുത്ത് വളര്ത്തി കൊണ്ടിരിക്കുന്ന വിവധ തീവ്രവാദ ഗ്രൂപ്പുകളിലെ കിടമത്സരം പാകിസ്ഥാന് തന്നെ തലവേദന സൃഷ്ടിച്ചു തുടങ്ങിയിരിക്കുകയാണ്. പാകിസ്ഥാനില് താമസിക്കുന്ന വിദേശ പൗരന്മാരെയും എംബസി ജീവനക്കാരെയും ലക്ഷ്യമിട്ട് ഭീകരാക്രമണത്തിന് പദ്ധതി തയ്യാറാക്കിയിരിക്കുന്നതായണ് പുതിയ വിവരം.
പാക്കിസ്ഥാനിലെ ഇസ്ലാമാബാദില് സ്ഥിതി ചെയ്യുന്ന വന്കിട ഹോട്ടലായ മാരിയറ്റില് ഭീകരാക്രമണ സാധ്യതയുണ്ടെന്ന പുതിയ വിവരമാണ് പുറത്തു വരുന്നത്. സുരക്ഷാ ഏജന്സികളുടെ മുന്നറിയിപ്പിനെത്തുടര്ന്ന് ഹോട്ടലില് പ്രവേശിക്കുന്നതില് നിന്ന് യുഎസ്-യുകെയിലെയും എംബസികള് ജീവനക്കാരെ വിലക്കി. സുരക്ഷാ മുന്നറിയിപ്പ് പുറപ്പെടുവിച്ച് ഇരുരാജ്യങ്ങളും ഉദ്യോഗസ്ഥരോട് ജാഗ്രത പാലിക്കാന് നിര്ദ്ദേശിച്ചിട്ടുണ്ട്.
അവധിക്കാലത്ത് ഇസ്ലാമാബാദിലെ മാരിയറ്റ് ഹോട്ടലില് അമേരിക്കക്കാര്ക്ക് നേരെ അജ്ഞാതര് ആക്രമണം നടത്താന് പദ്ധതിയിടുന്നതായി വിവരം ലഭിച്ചിട്ടുണ്ടെന്നാണ് യുഎസ് എംബസി ഉദ്യോഗസ്ഥര്ക്ക് മുന്നറിയിപ്പ് നല്കിയിരിക്കുന്നത്.അതിനാല് ഹോട്ടല് സന്ദര്ശിക്കുന്നതില് നിന്ന് എല്ലാ യുഎസ് ജീവനക്കാരെയും എംബസി വിലക്കി.
ഇതിനുപുറമെ, പൊതുയോഗങ്ങളില് പങ്കെടുക്കുന്നതില് നിന്ന് യുഎസ് എംബസി ജീവനക്കാരെ വിലക്കിയിട്ടുണ്ട്.എംബസി ജീവനക്കാരുടെ സുരക്ഷാ പ്രശ്നങ്ങള് ചൂണ്ടിക്കാട്ടി യുഎസ് റെഡ് അലര്ട്ട് പ്രഖ്യാപിച്ചിട്ടുണ്ട്.അവധി ദിവസങ്ങളില് ഇസ്ലാമാബാദിലേക്കുള്ള അത്യാവശ്യവും അനൗപചാരികവുമായ എല്ലാ യാത്രകളും ഒഴിവാക്കണമെന്ന് എംബസി ജീവനക്കാരോട് അഭ്യര്ത്ഥിച്ചു.
പരിപാടികള്, ആരാധനാലയങ്ങള് എന്നിവിടങ്ങളില് ജാഗ്രത പാലിക്കാനും വലിയ തിരക്കുള്ള സ്ഥലങ്ങള് ഒഴിവാക്കാനും യുഎസ് എംബസി ജീവനക്കാരോട് പറഞ്ഞു.തിരിച്ചറിയല് രേഖം കൈവശം വയ്ക്കുക, നിയമപാലകരില് നിന്നുള്ള നിര്ദ്ദേശങ്ങള് അനുസരിക്കുക, ചുറ്റുപാടുകളെക്കുറിച്ച് ബോധവാനായിരിക്കുക,അപ്ഡേറ്റുകള്ക്കായി പ്രാദേശിക മീഡിയ നിരീക്ഷിക്കുക തുടങ്ങിയ നിര്ദ്ദേശങ്ങളും നല്കിയിട്ടുണ്ട്. ഇതോടൊപ്പം സഹായത്തിനായി യുഎസ് എംബസി മൊബൈല് നമ്പറുകളും നല്കിയിട്ടുണ്ട്.ഇസ്ലാമാബാദ്, ലാഹോര്, കറാച്ചി, പെഷവാര് തുടങ്ങിയ സ്ഥലങ്ങളിലെല്ലാം നമ്പറുകള് നല്കിയിട്ടുണ്ട്.
യുഎസിന്റെ മാര്ഗ്ഗനിര്ദ്ദേശങ്ങള് പിന്തുടര്ന്ന് ബ്രിട്ടീഷ് എംബസിയും സമാനമായ മാര്ഗ്ഗനിര്ദ്ദേശങ്ങള് പുറപ്പെടുവിച്ചു. 'ഭീകരര് പാകിസ്ഥാനില് ആക്രമണം നടത്താന് വളരെ സാധ്യതയുണ്ട്. ഇസ്ലാമാബാദ്, റാവല്പിണ്ടി, ലാഹോര്, കറാച്ചി തുടങ്ങിയ പ്രധാന നഗരങ്ങള് ഉള്പ്പെടെ രാജ്യത്തുടനീളം ഭീഷണിയുണ്ട്. തീവ്രവാദം, തട്ടിക്കൊണ്ടുപോകല്, വിഭാഗീയ അക്രമങ്ങള് എന്നിവയ്ക്കാണ് സാധ്യത. വിദേശികളാണ് ഇവരുടെ പ്രധാന ലക്ഷ്യം'. യുകെയുടെ ഫോറിന്, കോമണ്വെല്ത്ത് & ഡെവലപ്മെന്റ് ഓഫീസ് അറിയിച്ചു.
ഖൈബര് പ്രവിശ്യയില്, ബൗജര്, മുഹമ്മദ്, ഖൈബര്, ഒറാക്സായി, കുറം, നോര്ത്ത് വസീറിസ്ഥാന്, സൗത്ത് വസീറിസ്ഥാന്, കൂടാതെ ചര്സദ്ദ, കൊഹാത്, ടാങ്ക്, ബന്നു, ലക്കി, ദേര ഇസ്മായില് ഖാന്, സ്വാത്, ബുണര്, ലോവര് ദിര് എന്നിവിടങ്ങളില് പോകുന്നത് അപകടകരമാണെന്ന് മുന്നറിയിപ്പുണ്ട്.ഇതോടൊപ്പം പെഷവാര് ജില്ലയുടെ 10 മൈല്, ചിത്രാല്, ബലൂചിസ്ഥാന്, ചിലാസ്, നിയന്ത്രണ രേഖ എന്നിവിടങ്ങളിലേക്ക് യാത്ര വേണ്ടെന്നും നിര്ദ്ദേശമുണ്ട്.
ഭീകരാക്രമണം നിയന്ത്രണ രേഖ കടന്ന് വരാന് സാധ്യതയുള്ളതിനാല് ഇന്ത്യയും അതിര്ത്തി രക്ഷാ സേനയ്ക്ക് ജാഗ്രത മുന്നറിയിപ്പ് നല്കിയിരുക്കുകയാണ്. പാകിസ്ഥാനില്
https://www.facebook.com/Malayalivartha
